Наворбардории филми кӯтоҳметражи “Бозгашт” –и Муассисаи давлатии “Хатлонсинамо” ба охир расид.

Дар ин хусус гурӯҳи фейсбукии рӯзномаи “Хатлон” хабар медиҳад.

Бино ба иттилои манбаъ, филми мазкур дар жанри драмма – фоҷеа офарида шуда, хусусияти тарбиявӣ дорад.

Гуфта мешавад, ки нахустнамоиши он рӯзҳои 15-16-уми октябри соли равон дар арафаи Рӯзи кинои тоҷик баргузор хоҳад шуд.

Таъкид мегардад, ки ин филм тӯли ду моҳу бист рӯз сабту навогирӣ шуда, давомнокии он 33 дақиқа аст.

Дар он ҳунармандони машҳури кишвар, аз қабили Муҳаммад Алӣ Маҳмадов, Моҳпайкар Ёрова, Меҳриниссо Ҳоҷибоева ва дигар ҳунармандони ҷавон нақш бозидаанд.

Муаллифи филмнома Дилшод Шоҳзода ва Зафари Валӣ ва коргардон Зафари Валӣ мебошанд.

Гулафшон КАРИМОВА, “ҶТ”