Дирӯз-17 октябр дар “Кохи Суруш”-и шаҳри Душанбе маросими ҷоизасупорӣ ба ғолибони Синамоҷоизаи дуюми миллии “Тоҷи Сомон” доир гардид.

Дар ин ҷашнвора синамогарон аз ҷумҳуриҳои Беларус, Озарбойҷон, Узбекистон, Қазоқистон, Федератсияи Русия, Ҷумҳурии Исломии Эрон ва дӯстдорони синамои тоҷик ширкат доштанд.

Дар дуввумин Синамоҷоизаи миллии “Тоҷи Сомон” филми “Моҳӣ дар шаст”-и Муҳиддин Музаффар соҳиби шоҳҷоиза гардид.

Ҷоизаи “Беҳтарин филми мустанад” ба филми “Пайравони ҳақиқат”-и Рустам Шоазимов дода шуд.

Ҷоизаи “Беҳтарин филми тасвирӣ”-ро филми “Зани порсо”-и Фирдавс Насруллозода, соҳиб гашт.

“Беҳтарин филми ҳунарӣ” ба филми “Дар талоши ҳақиқат”-и Манзаралӣ Шералӣ дода шуд.

“Беҳтарин филми дебют”-ро филми “Фурӯғ”-и Одина Маҳмад соҳиб шуд.

“Беҳтарин филми ҳунарии кӯтоҳ” ба филми “Модар”-и Нигина Раҷабова дода шуд.

Ҷоизаи “Беҳтарин коргардон” ба Рустам Отахонов барои филми “Танҳо ту” дода шуд.

“Беҳтарин дизайн” ба Восеъ Набиев барои филми “Танҳо ту” дода шуд.

“Беҳтарин наворбардор” ба Шуҳрат Қурбонов барои филми “Танҳо ту” насиб гашт.

Ҷоизаи “Таваҷҷуҳи тамошобин” ба филми “Ғам”-и Музаффар Шодиев дода шуд.

“Беҳтарин нақши кӯдакона” ба Зулайхои Абдуҳаким барои филми “Се хоҳарон” насиб гашт.

“Беҳтарин нақши занона” ба Таҳмина Раҷабова барои филми “Зиндагӣ зебост” дода шуд.

“Беҳтарин нақши мардона” ба Насриддин Нуриддинов барои филми “Зиндагӣ зебост”

“Беҳтарин коргардон” барои филми “Зиндагӣ зебост” ба Далер Раҳматов дода шуд.

“Беҳтарин танзим” барои филми “Мактаби мардонагӣ” ба Дилшод Раҳмонов дода шуд.

Ҳамчунин, ҷоизаи ифтихории Синамоҷоизаи “Тоҷи Сомон”- “Килки заррин” ба Абдурофеъ Рабизода дода шуд.

Инчунин, ба филми “Ҳафт марвориди Шинг”-и Аслам Садриддин, “Ҳоло ки ман ҷавонам”-и Ғолибшо Мусоев, “Садои тамаддун”-и Тоҳир Асрориён, “Фарзанди фарзонаи миллат”-и Иззат Самадӣ, “Мавлоно”-и Далер Ҳасанзода ва филми “Ҳафткӯл”-и Шавкат Муҳаммадиев барои иштирокашон Дипломи Синамоҷоизаи дуюми миллии “Тоҷи Сомон”-ро ба даст оварданд.

Лозим ба зикр аст, ки ба озмуни ин синамоҷоиза зиёда аз 50 филми пурра, кӯтоҳ, бадеӣ, мустанад ва тасвирӣ барои иштирок ва рақобат пешниҳод гардида буд.

Бояд қайд намуд, ки Синамоҷоизаи миллии “Тоҷи Сомон” бо мақсади ба таври шоиста муаррифӣ намудани манфиатҳои миллӣ, тарбияи эҳсоси ватандӯстӣ, ифтихор аз миллати созанда, тавсифи табиати зебои диёр, ҷалби сайёҳон, дарёфти истеъдодҳои нодир дар соҳаи синамо соли дуюм аст, ки дар шаҳри Душанбе баргузор мешавад.

Гулафшон КАРИМОВА, “ҶТ”