Дар доираи барномаи 3-юмин форуми “Баҳори донишҷӯёни давлатҳои БРИКС ва ШОС” иштирокчиёнро дар бинои Шӯрои олии Федератсияи Русия Антон Морозов, узви Шӯро оид ба корҳои хориҷии Шӯрои олии Федератсияи Русия ба ҳузур пазируфт.
 
Антон Морозов зимни баромади худ ташрифи иштирокчиёнро ба Федератсияи Русия хайра мақдам гуфта, оиди имкониятҳо ва нақшаҳои ояндаи Шӯрои олии Федератсияи Русия дар самти корҳои хориҷӣ суханронӣ намуд. Ҳамчунин ӯ ҷавонони давлатҳои БИРКС ва ШОС-ро барои беҳтар намудани ҳамкориҳо таклиф намуд.
    
Баъди суханронӣ мизи гирд имконияти хуб барои суҳбати озод миёни иштирокчиён ва намояндаи Шӯрои олии Федератсияи Русия гардид. Дар суҳбати мизи гирд намояндагони ҷавони давлатҳои иштирокчӣ ба саволҳои худ посух гирифтанд.
 
Шабнам Раҳимова, намояндаи ҷавонон аз Тоҷикистон аввалин шуда дар самти санадҳои байналмилалии дуҷониба ва бисёрҷониба, инчунин ворид намудани тағйиру иловаҳо ба ин намуди санадҳо, ки аз ҷониби мақомоти давлатӣ таҳия мегарданд, суханронӣ намуд.