Имрӯз, 2 октябр 40 нафар ҷавонони синни даъватӣ аз ноҳияи Роштқалъа ба хизмати аскарӣ ба сафи Қувваҳои мусаллаҳи Ҷумҳурии Тоҷикистон сафарбар шуданд.

Дар ин бора Меҳрӣ Балхова, корманди Бахши кор бо ҷавонон ва варзиши ноҳия иттилоъ дода гуфт, ки дар маросими гусели навдаъватшудагон раиси ноҳия Давлатшо Мамадшоев ва наздикону пайвандони наваскарон ширкат намуда, баҳри адои хизмати ҳарбӣ ба онҳо барору комёбиҳо таманно намуданд.

Бояд қайд кард, ки навдаъватшудагон ҳамзамон дар маркази вилоят аз ташхиси пурраи тиббӣ гузашта, баъдан ба қисмҳои ҳарбии кишвар тақсим мегарданд.