Дар шаҳри Маскави Федератсияи Русия нимаи дуюми рӯзи 15 апрел, дар доираи баргузории Форуми ҷавонони Русия ва Тоҷикистон мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон АҳтамАбдуллозода   бо директори Агентии федералии кор бо ҷавонони Федератсияи Русия Бугаев Александр Вячеславович доир шуд.

Нахуст, Бугаев Александр Вячеславович ҳайати намояндагони Ҷумҳурии Тоҷикистонро барои ташрифашон ба Федератсияи Русия хайрамақдам намуда, аз ҳамкориҳои дуҷониба дар самти кор бо ҷавонон дар доираи сиёсати дурандешонаи роҳбарони давлатҳои ҳарду кишвар ҷонибҳо изҳори хушнудӣ намуданд.

Зимни мулоқот зикр гардид, ки ҳамкориҳои муштараки Ҷумҳурии Тоҷикистон ва Федератсияи Русия дар самти татбиқи сиёсати давлатии ҷавонон хуб ба роҳ монда шуда, баргузории Форуми ҷавонони Русияву Тоҷикистон, ки дар Федератсияи Русия баргузор гардида истодааст, намунаи волои ин гуфтаҳост.