Дар китобхонаи марказии ноҳияи Айнӣ аз тарафи аъзоёни маҳфили “Пайравони Пешвои миллат”-и Бахши кор бо ҷавонон ва варзиш маҳфили китобхонӣ таҳти унвони “Фурӯғи субҳи доноӣ китоб аст” баргузор шуд.

Нахуст дар маҳфил директори китобхона ҳозиринро шодбош гуфта, зикр кард: “Китоб метавонад моро аз кӯчаҳои тангу торик ба манзараҳои зебову дидании ҳаёт бибарад. Бояд ҳамеша китобхон бошему аз роҳнамоиҳои он истифода намоем”. 

Сипас аъзоёни маҳфил бо рафти кори шӯъбаҳои китобхона шинос шуда, китобҳои писандидаашонро барои мутолиа бо худ гирифтанд ва тасмим гирифта шуд, ки ҳар ҳафта як маротиба маҳфили мазкур гузаронида шавад.