Дар Муассисаи таҳсилоти миёнаи умумии №52-и ноҳияи Исмоили Сомонӣ миёни хонандагону омӯзгорон дар мавзуъҳои пешгирӣ аз терроризму экстремизм, нашъамандӣ, пешгирии ҷинояткорӣ ва ҷалби ҷавонон ба хизмати Модар - Ватан вохӯрии судманд доир гардид.

Вохӯрии мазкур бо ибтикори Бахши кор бо ҷавонон ва варзиши ноҳия баргузор шуда, дар он намояндагони шуъбаву бахшҳои суд, амният, рушди иҷтимоӣ ва робита бо ҷомеа иштироку суханронӣ намуданд.

Гуфта шуд, ки ҷавонон чун қишри ояндадори ҷомеа бояд ҳамеша пайи омӯхтани илму дониш, касб ва ҳунарҳои замона бошанду аз ҳама гуна зуҳуроти номатлуб дурӣ ҷӯянд. Зеро аз ибтидои ҳаёт касе дар роҳи нодуруст ба чизе ноил нагардида, баръакс зиндагии хешро аз даст додаанд.

Дар идома доир ба ҷалби ҷавонон ба сафи Артиши миллӣ таъкид гардид, ки хизмат ба халқу ватан қарзи муқаддаси ҳар ҷавонмард буда, бояд онро ҷавонон бо сари баланд адо намоянду дар таҳкими ваҳдати миллӣ саҳми худро гузоранд.