Роҳбарияти Кумитаи ҷавонон, варзиш ва сайёҳӣ бо ҳайати соҳибкорони Итолиё, иборат аз намояндагони Палатаи савдо ва саноат, Шӯрои соҳибкорон ва ширкатҳои сайёҳӣ мулоқот карданд.

Ҷонибҳо ҳамкориҳои дуҷониба дар самти сайёҳӣ, омӯзиш ва истифодаи таҷрибаи Итолиё дар муаррифӣ ва захираҳои туристӣ, ҷалби сармояи Итолиё ба рушди инфрасохтори туристӣ, сохтмони меҳмонхонаҳои дорои бренди ҷаҳонидошта, таъмини таҷрибаомӯзии мутахассисон ва донишҷӯёни риштаи туризми мактабҳои олии Тоҷикистон дар ин кишвари Аврупо ва дигар масаълаҳоро мавриди баррасӣ қарор доданд.

Ризо Назарзода, муовини раиси КҶВС иброз дошт, ки Ҷумҳурии Тоҷикистон бо давлати Итолиё ҳамкории хуби дипломатӣ дошта, кумита омода аст ҳамкориро дар самтҳои дахлдор бо ин кишвар густариш диҳад.

Раиси Шӯрои соҳибкорони Итолиё ва Тоҷикистон Ҷузене Форнизари барои қабул ва дастгирӣ ба роҳбарияти КҶВС арзи сипос намуда, барои ҳамкорӣ дар самти сайёҳӣ изҳори омодагӣ намуд.