Бо ташаббуси Кумитаи кор бо ҷавонон ва варзиши назди Ҳукумати ҷумҳурӣ ва роҳбарияти варзишгоҳҳои ҷумҳуриявии “Вастан” дар ноҳияи Ванҷ мусобиқаи кушоди ҷумҳуриявӣ оид ба ҷудо баргузор гардид, ки дар он Тоҷиддин Назришоев, муовини раиси ВМКБ, Давлатбибӣ Раҷабова, раиси ноҳияи Ванҷ, Нуралӣ Шарифов, раиси варзишгоҳҳои ҷумҳуриявии “Вастан”, Ризо Раҳматшоев, сардори Раёсати кор бо ҷавонон ва варзиши ВМКБ ширкат намуданд.

Нахуст Масрур Ғайратов, мудири Бахши кор бо ҷавонон ва варзиши ноҳия мусобиқаро ҳусни оғоз бахшида, ба варзишгарон барору комёбӣ таманно намуд.

Мусобиқа ба муносибати 26–солагии Истиқлолияти давлатии кишвар бахшида шуда, дар он беш аз 70 нафар варзишгари соли тавллудашон 1997–2001 дар ҳайати дастаҳои “Душанбе”, “Хоруғ”, “Дарвоз”, “Ванҷ” ва “Рӯшон” миёни ҳам рақобат карданд.

Ғолибон бо медал, ифтихорнома ва тӯҳфаҳои хотиравӣ сарфароз гардиданд.

Машҳур ИМОМНАЗАРОВ, “ҶТ”