Соли 2026 дар Донишкадаи тарбияи ҷисмонии Тоҷикистон ба номи С. Раҳимов 2 ихтисоси нав: тибби варзиш ва психалогияи варзиш таъсис дода мешавад.

Дар ин бора имрӯз – 2 феврал Амир Иброҳимзода, ректори ДТҶТ ба номи С. Раҳимов зимни нишасти хабарӣ иттилоъ дод. Ба гуфтаи ректор мақсад аз ташкили ин ихтисосҳо омода намудани варзишгарон аз лиҳози равонӣ мебошад.

Ҳамзамон, зимни нишасти матбуотӣ ректор аз дастовардҳои Донишкада дар як соли гузашта ёдовар шуда, гуфт, ки ҷалби донишҷуён ба мусобиқаҳои дохиливу байналмилалӣ дар Донишкада бомаром идома дошта, дар соли 2025 варзишгарон аз 20 мусобиқаҳои шаҳрӣ, 43 мусобиқаи ҷумҳуриявӣ, 48 мусобиқаи байналмилалӣ, дар умум 446 медал ба даст оварданд.

Рустам САМИЕВ, “ҶТ”