Соли 2024 варзишгарони ВМКБ дар 22 мусобиқаи ҷумҳуриявӣ, 8 сабқати байналмилалӣ ва 15 чемпионат иштирок намуда, 453 медал, аз ҷумла 87 медали тилло, 167 нуқра ва 199 медали биринҷӣ ба даст оварданд.

Ин нуктаро сардори Раёсати кор бо ҷавонон ва варзиши ВМКБ Амирҷонзода Солеҳҷон зимни нишасти матбуотӣ ба рӯзноманигорон баён кард.

Гуфта шуд, ки дар ин давра баҳри солимии ҷомеа 332 маротиба машқҳои пагоҳирӯзӣ бо фарогирии 28962 нафар гузаронида шуданд.

Инчунин, зикр гардид, ки дар давраи ҳисоботӣ дар шаҳру ноҳияҳои вилоят 17 иншооти соҳаи варзиш сохта ва ба истифода дода шуда, ин раванд соли равон низ идома меёбад.

С. ҶАНОБИЛШОЕВ, “ҶТ”