Соли 2022 варзишгарони Вилояти Мухтори Кӯҳистони Бадахшон дар 46 мусобиқаи ҷумҳуриявӣ ва 11 чемпионати гуногун иштирок намуда, сазовори 81 медали тилло, 70 медали нуқра ва 121 медали биринҷӣ гардидаанд.

Дар ин бора Аҳмадулло Мамадбунаев, муовини сардори Раёсати кор бо ҷавонон ва варзиши вилоят зимни нишасти матбуотӣ иттилоъ дода, ҳамчунин қайд кард, ки ҳоло зиёда аз 403 иншооти варзишӣ, 1 маҷмаа, 307 майдончаи варзишӣ, 11 варзишгоҳ, 3 қасри варзишии “Вастан” дар хизмати ҷавонону наврасон ва варзишгарону калонсолон қарор доранд.

Дар идома гуфта шуд, ки татбиқи бомароми хонишҳои сиёсӣ миёни ҷавонон, иштироки фаъолонаи онҳо дар маъракаҳои муҳими сиёсӣ, худихтиёрӣ сафарбаршавии онҳо ба сафи Қувваҳои Мусаллаҳи Ҷумҳурии Тоҷикистон аз пешравиҳои асосии соҳа ба ҳисоб мераванд.