Рустам Ятимов дарвозабони тими миллии Тоҷикистон тамринҳоро дар дастаи нави худ “Ростов” шуруъ кард. Дар ин бора сомонаи тв Варзиш хабар медиҳад.

Рустам Ятимов бо бошгоҳи “Ростов” шартномаи панҷсола ба тасвиб расонидааст.

Дастаи футболи “Истиқлол”-и шаҳри Душанбе ва намояндаи Лигаи Бартари Русия - дастаи футболи “Ростов” созишнома дар бораи гузариши дарвозабон Рустам Ятимовро ба имзо расониданд.

Ёдовар мешавем, ки маблағи гузариши дарвозабони дастаи мунтахаби Тоҷикистон ба дастаи “Ростов”-и Русия зиёда аз 250 ҳазор доллари амрикоиро ташкил медиҳад.

Бояд гуфт, ки Рустам Ятимов аз тобистони соли 2018 дар ҳайати дастаи футболи “Истиқлол”-и шаҳри Душанбе ҳунарнамоӣ менамуд ва дар ин муддат бо даста қаҳрамони бисёркаратаи мамлакат, соҳиби Ҷоми Тоҷикистон ва Суперҷоми Тоҷикистон шуд.

Қобили тазаккур аст, ки Рустам Ятимов дар якҷоягӣ бо даста ба марҳилаи 1/8 финали Лигаи чемпионҳои КФО-2021 роҳхат гирифта буд. Номбурда дарвозабони асосии дастаи мунтахаби миллии Тоҷикистон мебошад.

Ёдовар мешавем, ки Рустам Ятимов беҳтарин дарвозабон ва беҳтарин футболбози Тоҷикистон дар соли 2023 низ мебошад.

Яҳё МАҲМАДНАБИЕВ, “ҶТ”