ВАРЗИШ
Ҷумъа 05 Июн 2026 09:55
Сулаймони Ҷамшед паҳлавони тоҷик роҳхати III Бозиҳои олимпии наврасон дар Буэнос Айреси Аргентинаро ба даст овард.
Дар ин бора Директори Департаменти варзиши Федератсияи байналмилалии дзюдо Армен Багдасаров ба унвони Кумитаи миллии олимпӣ мактуби расмӣ ирсол намудааст.
Сулаймони Ҷамшед паҳлавони умедбахши кишвар дар вазни -60 кило миёни наврасон дар раддабандии Бозиҳои олимпии наврасон бо 420 хол дар ҷои аввал қарор гирифтааст.
Паҳлавони тоҷик дар Ҷумҳурии Қазоқистон зери роҳбарии мураббӣ Ҳамзаалӣ Раҳматов тамрин мекунад ва дар мусобиқаҳои байналмилалӣ Ҷумҳурии Тоҷикистонро муаррифӣ менамояд. Ӯ соли равон дар се Ҷоми Осиё оид ба дзюдо миёни наврасон дар шаҳрҳои Тошканд (12 апрел), Иссиқкӯл (21 июн), Макао (21 июл) сазовори медали тилло ва дар чемпионати Осиё оид ба дзюдо миёни наврасон дар Бейрути Лубнон (10 май) сазовори медали нуқра гардид.
Тибқи низомномаи бозиҳо дар намуди дзюдо миёни писарон 4 категирияи вазнӣ интихоб шудааст: -55 кг, -66 кг, -81 кг, -100 кг. Аз ҳар категорияи вазнии маъмулӣ (-50, -55, -60, -66, -73, -81, -90, +90) 5 нафари беҳтарин интихоб карда мешаванд ва дар ҳар вазни олимпӣ 10-нафариро ташкил медиҳанд. Яъне 5-нафарӣ аз вазнҳои 50 ва 55 дар вазни 55 килои олимпӣ иштирок мекунанд. Ҳамин тавр 5-нафарӣ аз вазнҳои 60 ва 66 дар вазни -66 кило рақобат мекунанд. Сулаймони Ҷамшед, ки дар мусобиқаҳо дар вазни -60 кг гуштин мегирифт, дар Бозиҳои олимпии наврасон дар вазни -66 кг қувваозмоӣ мекунад.
III Бозиҳои олимпии наврасон аз 6 то 18 октябри соли равон дар шаҳри Буэнос Айреси Ҷумҳурии Аргентина баргузор мегардад. Дар ин чорабинии варзишӣ ҳудуди 4000 варзишгари наврас аз 206 давлати ҷаҳон аз рӯи 32 намуди варзиш (541 қувваозмоӣ) барои ҷоизаҳо талош мекунанд
Дар ин бора Директори Департаменти варзиши Федератсияи байналмилалии дзюдо Армен Багдасаров ба унвони Кумитаи миллии олимпӣ мактуби расмӣ ирсол намудааст.
Сулаймони Ҷамшед паҳлавони умедбахши кишвар дар вазни -60 кило миёни наврасон дар раддабандии Бозиҳои олимпии наврасон бо 420 хол дар ҷои аввал қарор гирифтааст.
Паҳлавони тоҷик дар Ҷумҳурии Қазоқистон зери роҳбарии мураббӣ Ҳамзаалӣ Раҳматов тамрин мекунад ва дар мусобиқаҳои байналмилалӣ Ҷумҳурии Тоҷикистонро муаррифӣ менамояд. Ӯ соли равон дар се Ҷоми Осиё оид ба дзюдо миёни наврасон дар шаҳрҳои Тошканд (12 апрел), Иссиқкӯл (21 июн), Макао (21 июл) сазовори медали тилло ва дар чемпионати Осиё оид ба дзюдо миёни наврасон дар Бейрути Лубнон (10 май) сазовори медали нуқра гардид.
Тибқи низомномаи бозиҳо дар намуди дзюдо миёни писарон 4 категирияи вазнӣ интихоб шудааст: -55 кг, -66 кг, -81 кг, -100 кг. Аз ҳар категорияи вазнии маъмулӣ (-50, -55, -60, -66, -73, -81, -90, +90) 5 нафари беҳтарин интихоб карда мешаванд ва дар ҳар вазни олимпӣ 10-нафариро ташкил медиҳанд. Яъне 5-нафарӣ аз вазнҳои 50 ва 55 дар вазни 55 килои олимпӣ иштирок мекунанд. Ҳамин тавр 5-нафарӣ аз вазнҳои 60 ва 66 дар вазни -66 кило рақобат мекунанд. Сулаймони Ҷамшед, ки дар мусобиқаҳо дар вазни -60 кг гуштин мегирифт, дар Бозиҳои олимпии наврасон дар вазни -66 кг қувваозмоӣ мекунад.
III Бозиҳои олимпии наврасон аз 6 то 18 октябри соли равон дар шаҳри Буэнос Айреси Ҷумҳурии Аргентина баргузор мегардад. Дар ин чорабинии варзишӣ ҳудуди 4000 варзишгари наврас аз 206 давлати ҷаҳон аз рӯи 32 намуди варзиш (541 қувваозмоӣ) барои ҷоизаҳо талош мекунанд
Хабарҳои дигар
Рӯзнома
Эзоҳи худро нависед