Дар Маҷмааи ҳавзҳои шиноварии шаҳри Хуҷанд, санаи 22 июн, бо иштироки раиси вилояти Суғд Раҷаббой Аҳмадзода маросими кушодашавии дуюмин мусобиқаи байналмилалӣ оид ба шиноварӣ баргузор гардид.

Раиси вилоят зимни суханронии худ кулли варзишгаронро ба вилояти Суғд хайрамақдам гуфта, аз дастгириҳои Президенти Ҷумҳурии Тоҷикистон муҳтарам Эмомалӣ Раҳмон нисбати соҳаи варзиш ёдовар шуд. 

Қобили зикр аст, ки дуюмин мусобиқаи байналмилалӣ оид ба шиноварӣ бо ташаббуси Федератсияи миллии шиноварии Ҷумҳурии Тоҷикистон, Кумитаи кор бо ҷавонон ва варзиш ва Мақомоти иҷроияи ҳокимияти давлатии вилояти Суғд гузаронида шуда, дар он беш аз 90 нафар шиноварон аз Тоҷикистон, Федератсияи Русия, Белорус, Ӯзбекистон, Қазоқистон, Қирғизистон ва Афғонистон иштирок менамоянд.