Бо дастгирии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон, Иттифоқи касабаи кормандони маориф ва илми мамлакат, мақомоти иҷроияи ҳокимияти давлатии вилояти Суғд дар Донишгоҳи далватии ҳуқуқ, бизнес ва сиёсати Тоҷикистон мусобиқаи кушоди варзишӣ оид ба намуди волейбол бахшида ба солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” оғоз гардид.

Мусобиқаи мазкур аз 20 то 22-юми январ идома ёфта, дар он 18 даста аз шаҳру ноҳияҳо, корхонаю ташкилот, муассисаҳои таҳсилоти олӣ ва касбии ҷумҳурӣ байни ҳам кувваозмоӣ мекунанд.
Мусобиқа тибқи қоидаи бозиҳои олимпӣ баргузор гардида, дар навбати аввал дастаи Донишгоҳи далватии ҳуқуқ, бизнес ва сиёсати Тоҷикистон бо дастаи Коллеҷи омўзгории шаҳри Хуҷанд ва дастаи Муассисаи давлатии мактаби варзишии №3-и шаҳри Хуҷанд бо дастаи ноҳияи Ашт-2 байни ҳам рақобат намуданд. Аз байни онҳо дастаҳои Донишгоҳи далватии ҳуқуқ, бизнес ва сиёсати Тоҷикистон ва Ашт-2 ба даври дигар гузаштанд.

Баъди нисфирӯзӣ даври якуми мусобиқа ҷамъбаст гардида, аз байни 18 даста 9 даста ба даври дуюм гузаштанд. Аз рӯи ҳисоби бозии даври аввал дастаҳои ДДҲБСТ, Ашт-1, Факултети 4-уми Академияи ВКД, Ашт-2, Ҷ.Расулов, Исфара, Донишгоҳи славянии Тоҷикистону Русия дар шаҳри Душанбе, ноҳияи Б.Ғафуров ва Истаравшан ба даври дуюм роҳ ёфтанд.