28 август дар деҳаи Шуҷанди ноҳияи Рӯшон майдончаи варзишӣ мавриди баҳрабардорӣ қарор дода шуд.

Зимни ифтитоҳи иншооти варзишӣ раиси ВМКБ Мирзонабот Алишер Худобердӣ ҳозиринро бо 34 - солагии Истиқлоли давлатӣ табрик намуд.

Зикр гардид, ки таҳти сиёсати варзишпарваронаи Пешвои миллат муҳтарам Эмомалӣ Раҳмон дар шаҳру ноҳияҳои вилоят майдону толорҳои варзишии замонавӣ ба истифода дода шуданд. Рӯ овардан ба варзиш, ҳаракати мунтазам, интихоби тарзи ҳаёти солим имкон фароҳам месозад, ки ҷомеаи солим бунёд гардида, ҷавонон ҳарчи бештар ба варзиш машғул гарданд.

Иттилоъ дода шуд, ки майдончаи мазкур дар доираи ҷашни бузурги миллӣ - 35-солагии Истиқлоли давлатӣ аз тарафи мақомоти иҷроияи ҳокимияти давлатии Вилояти Мухтори Кӯҳистони Бадахшон ва ноҳияи Рӯшон дар ҳамкорӣ бо соҳибкорони ватандӯст бо харҷи 800 ҳазор сомонӣ сохта шудааст.

Дар идома, ба варзишгарони деҳа аз ҷониби раиси вилоят либос ва лавозимоти варзишӣ тақдим карда шуд.

С. ҶАНОБИЛШОЕВ, "ҶТ"