Аз 28 феврал то 4 марти соли равон дар шаҳри Бишкеки Ҷумҳурии Қирғизистон Чемпионати Осиё оид ба гӯштин (тарзи озод, юнонӣ-римӣ,) миёни мардону бонувон доир мегардад.

Тавре Кумитаи миллии олимпии кишвар хабар медиҳад, кишварамонро дар мусобиқаи мазкур аз ҳарду намуди гӯштин танҳо мардон намояндагӣ мекунанд.

Ба ҳайати тими паҳлавонони тоҷик 18 варзишгар ва ду мураббӣ шомил аст. Аз намуди гӯштини тарзи озод 10 варзишгар: Ҳикматулло Воҳидов (57 кило), Ҷамшед Шарифов (61 кило), Абдулқосим Файзиев (65 кило), Ғуломҷон Шарифов (70 кило), Сорбон Абдулҳаев (74 кило), Усмони Қосим (79 кило), Баҳодур Қодиров (86 кило), Комилҷони Сафаралӣ (92 кило), Искандари Рустам (97 кило), Фарҳод Анақулов (125 кило).

Дар намуди гӯштини юнонӣ-римӣ 8 варзишгар: Ҳасан Сӯфиев (55 кило), Шарифзода Азизбек (67 кило), Суҳроб Ҳоҷиев (72 кило), Бахтовар Ҳасанов (77 кило), Суҳроб Абдулҳаев (82 кило), Шараф Файзиев (87 кило), Мирзоамин Сафаров (97 кило), Суҳроҷ Азизов (130 кило)

Варзишгарони тоҷикро Абдурозиқ Олимов, сармураббии гӯштини тарзи озод ва Ҳабибулло Абдуллоев, сармураббии гӯштини юнонӣ-римӣ ҳамроҳӣ мекунанд.