Дар толори варзишии ба номи генерал-майор Рустам Амакиеви МД “Мактаби варзишӣ” – и шаҳри Бӯстон, 29 июн ҷамъбасти мусобиқаи варзишӣ оид ба волейбол байни кормандони корхонаву муассисаҳо бахшида ба 30-солагии Истиқлолияти давлатӣ баргузор гардид.

Дар даври финалии мусобиқаи мазкур иштирокчиён аз Донишкадаи кӯҳию-металлургии Тоҷикистон, МД “Мактаби варзишӣ”, шуъбаи маориф ва бахши фарҳанги шаҳри Бӯстон иштирок намуда, дар натиҷа беҳтаринҳо муайян гардиданд.

Ҳамин тавр, ҷойи якумро дастаи Донишкадаи кӯҳию-металлургии Тоҷикистон, ҷойи дуюмро дастаи шуъбаи маориф ва ҷойи сеюмро дастаи МД “Мактаби варзишӣ” сазовор гардиданд.

Дар охир ғолибон бо Ҷом, медал ва сипосномаҳои Бахши кор бо ҷавонон ва варзиши шаҳр қадрдонӣ шуданд.