Бо ибтикори Маркази дарёфт ва рушди истеъдодҳои назди Раёсати маориф ва илми ВМКБ – у Раёсати кор бо ҷавонон ва варзиши вилоят миёни ҳашт дастаи хонандагони МТМУ – и шаҳру ноҳияҳои вилоят мусобиқаи волебол баргузор шуд.

Дар ин бора Панҷшанбе Назаршоев, корманди марказ иттилоъ дода гуфт, ки ғолибон аз ҷониби раёсатҳо бо Ҷому медал ва ифтихорномаҳо мушарраф гаштанд.

Мувофиқи натиҷаҳои охир тими “Роштқалъа” зинаи якумро ишғол намуда, ҷомро ба даст овард. Ҷойҳои дуюму сеюм бошад насиби дастаҳои “Рӯшон” ва Хоруғ шуданд.

Ба иттилои манбаъ рӯзҳои наздик дигар чорабиниҳои солимгардонӣ аз қабили мусобиқаи вилоятӣ оид ба шоҳмот бо иқдоми марказ гузаронида мешавад, ки дар он ҳам беҳтарин толибимони ВМКБ бо ҳам рақобат хоҳанд кард.