Дар Маҷмааи варзишии “Суғдӣ”-и ноҳияи Бобоҷон Ғафуров мусобиқаи кушод оид ба тенниси рӯи миз оғоз гардид, ки он то 30 май идома меёбад.

Дар ин бора аз Раёсати кор бо ҷавонон ва варзиши вилояти Суғд хабар доданд.

Ба гуфти масъулин, дар мусобиқа варзишгарони синну соли гуногун, аз ҷумла, калонсолон ва наврасони соли таваллудашон 2013 ва хурдтар ширкат доранд.

Ҳадаф аз баргузории ин мусобиқа ташвиқу тарғиби тарзи ҳаёти солим, баланд бардоштани маҳорати касбии варзишгарони наврас, ҳамзамон тақвияти дӯстӣ ва ҳамдигарфаҳмӣ байни ҷавонон мебошад.

Субҳидин ҚОДИРОВ, “ҶТ”