Магомед Евлоев намоянда аз Тоҷикистон дар рақобатҳои гӯштини тарзи озод сазовори нишони нуқра гардид. Дар ин бора ТВ “Варзиш” хабар медиҳад.

Гуфта мешавад, ки аз 29-уми май то 1-уми июн дар пойтахти Муғулистон, шаҳри Улан-Батор мусобиқаи рейтингии Иттиҳоди ҷаҳонии гӯштинҳо (UWW) доир гашт, ки намояндаи Тоҷикистон Магомед Евлоев дар вазни -79 кг медали нуқра гирифт.

Ба иттилои “UWW”, беш аз 300 паҳлавон барои беҳтар кардани мавқеашон дар радабандии ҷаҳонӣ дар мусобиқа ширкат доштанд.

Магомед дар ду давр бар варзишгарони Ҳиндустон Амит Амит (6:0), Муғулистон Сулдхуу Олонбайар (6:0), дар нимфинал бар намояндаи дигари Муғулистон Далайтсерен Ҷавхланхуу (8:0) дастболо гашта, дар финал аз варзишгари Эрон Фарибурз Бобоираганӣ (0:4) мағлуб шуд.

Яҳё МАҲМАДНАБИЕВ, “ҶТ”