Паҳлавони наврас ва умедбахши тоҷик Лоиқ Қутбиддинов (-60 кг) дар Қаҳрамонии ҷудои ҷаҳон миёни наврасон дар Софияи Булғористон ба гирифтани медали нуқра шарафёб гардид ва исмашро дар таърихи ҷудои тоҷик сабт намуд.

Дар финали мусобиқа Лоиқ аз намояндаи Қазоқистон - Йернур Батюргалӣ мағлуб шуд ва соҳиби нишони нуқра шуд.

Бояд қайд кард, ки соли гузашта низ Лоиқ Қудбиддинов (-60 кг) сазовори медали нуқраи Чемпионати ҷаҳон оид ба ҷудо байни ҷавонон дар шаҳри Душанбе гардида буд.

Инчунин, дар ин мусобиқа Мадина Қурбонзода (-52 кг) - ягона намояндаи Тоҷикистон миёни духтарон дар Қаҳрамонии ҷудои ҷаҳон миёни наврасон дар Софияи Булғористон барои медали биринҷӣ бо Николе Марқуеси бразилӣ мубориза бурда, ноком шуд ва мақоми панҷумро дар мусобиқа сиҳиб гардид.

Мадина дар даври нимниҳоӣ аз София Кордоваи шведӣ шикаст хӯрд ва натавонист ба финал барояд.

Я. МАҲМАДНАБИЕВ, “ҶТ”