Бо ташаббуси Федератсияи футболи вилояти Хатлон ва Раёсати кор бо ҷавонон ва варзиш аз 15 то 20 июни соли ҷорӣ мусобиқаи футбол байни наврасони минтақаи Қӯрғонтеппа баргузор гардид.

Тавре аз Федератсияи футболи вилояти Хатлон иттилоъ доданд, мақсади баргузории ин мусобиқа ташвиқу тарғиби тарзи ҳаёти солим ва рушду инкишофи бозии футбол байни ҷавонон, пешгири намудани онҳо аз қонунвайронкунӣ, ҷинояткорӣ ва муайян намудани дастаи беҳтарини футбол байни наврасон мебошад.

Дар мусобиқаи мазкур тими шаҳру ноҳияҳои Ҷалолиддини Балхӣ, Ҷайҳун, Дӯстӣ, Панҷ, Қубодиён, Шаҳритӯс ва Носири Хусрав қувваозмоӣ кнамуда, тими "Панҷшер" -и ноҳияи Ҷалолиддини Балхӣ ва “Чашма”-и ноҳияи Шаҳритӯс ба даври ниҳоӣ роҳ ёфтанд. 

Дар даври ниҳоии мусобиқа, ки рӯзи 20 июн дар варзишгоҳи “Пахтакор” -и шаҳри Қӯрғонтеппа баргузор шуд, дастаи “Панҷшер”-и ноҳияи Ҷалолиддини Балхӣ бо ҳисоби 4:0 тими “Чашма”-и ноҳияи Шаҳритӯсро шикаст дода, соҳиби ҷом гардид.

Беҳтарин бозингар Сироҷиддини Муҳаммадмӯсо ва дарвозабон Беҳрӯз Бегов аз дастаи “Панҷшер” дониста шуд.

Ба ғолибон намояндагони Федератсияи футболи Точикистон, Федератсияи футболи вилояти Хатлон ва Раёсати кор бо ҷавонон ва варзиши вилоят ифтихорнома, медал ва ҷоми мусобиқаро супориданд.

Умед Мирзоев, “ҶТ”