Дар толори Кохи варзишии “Истиқлол”-и шаҳри Гулистон мусобиқаи шаҳрӣ оид ба волейбол байни 8 дастаи мунтахаб аз муассисаҳои таҳсилоти миёнаи умумӣ ва гимназияҳо доир шуд.

Дар натиҷа дастаи муассисаи таҳсилоти миёнаи умумии №4-и ҷамоати шаҳраки Адрасмон, деҳаи Гулдара бо нишон додани маҳорати баланд сазовори ҷойи аввал гардид.

Ҷои дуюм насиби дастаи муассисаи таҳсилоти миёнаи умумии №3-и ҷамоати шаҳраки Консой гардида, ҷои 3-юмро хонандагони муассисаи таҳсилоти миёнаи умумии №1-и маркази шаҳр соҳиб гардиданд.

Ба ғолибони мусобиқа ва бозингарони беҳтарин туҳфаҳои хотиравӣ супорида шуд.