Имрӯз, 9 август дар маҷмааи варзишии шаҳри Хоруғ мусобиқаи ҷумҳуриявӣ аз намуди тенниси рӯи миз миёни ҷавонони соли таваллуди 1998 ва хурд оғоз ёфт.

Дар маросими кушодашавии мусобиқа муовини раиси шаҳр Мавлобахшзода Райҳонбегим, сардори Раёсати кор бо ҷавонон ва варзиши ВМКБ Сураҷ Чоршанбиев ва мудири Бахши кор бо ҷавонон ва варзиши шаҳри Хоруғ Имомёрбек Имомёрбеков иштироку баромад намуданд.

Зикр шуд, ки чунин чорабиниҳо имсол дар вилоят бо иқдоми Кумитаи кор бо ҷавонон ва варзиши назди Ҳукумати Ҷумҳурии Тоҷикистону ҳамкории мақомоти иҷроияи ҳокимияти давлатии вилояту шаҳр бомаром гузашта, ҳамарӯза ҷавонон ва наврасони зиёди кишвар ба онҳо мароқ зоҳир мекунанд.

Мусобиқаи тенниси рӯи миз миёни дастаҳои “Суғд”, “ШНТМ”, “ВМКБ 1”, “Хатлон 1”, “Душанбе” ва “Хатлон” то рӯзи 12 августи соли равон идома карда, ғолибон бо медалу ифтихорномаҳои кумита мушарраф мешаванд.