Мусобиқаи ҷумҳуриявӣ аз рӯи намуди варзиши таэквондо ВТФ дар Маркази олимпии Вилояти Мухтори Кӯҳистони Бадахшон зиёда аз 2400 нафарро ба ҳам овард.

Дар ин бора мудири Бахши кор бо ҷавонон ва варзиши шаҳри Хоруғ Имомёрбек Имомёрбеков иттилоъ дода афзуд, ки дар мусобиқа варзишгарон аз вилоятҳои Суғду Хатлон, шаҳру ноҳияҳои тобеи марказ ва ВМКБ байни ҳам қувваозмоӣ карданд.

Аз рӯи натиҷаҳои охир дар ҳайати гурӯҳӣ дастаи ВМКБ ҷойи аввал, ШНТМ зинаи дуюм ва дастаҳои Душанбеву Хатлон бошанд, ҷойи сеюмро ишғол намуданд.

Дар охир ба ғолибон медал, ифтихорнома ва туҳфаҳои хотиравӣ супорида шуд.