Раёсати кор бо ҷавонон ва варзиши шаҳри Душанбе марҳилаи дуюми мусобиқаи шаҳриро оид ба футбол миёни наврасону ҷавонони солҳои таваллудашон 2002-2003, 2004-2005 ва 2006-2007 барои дарёфти “Тӯби чармин” аз санаи 1 то 15 октябри соли 2019 дар Маҷмааи варзишии Душанбе “Арена” баргузор намуд, ки дар ин мусобиқа 24 даста дар ҳайати 432 нафар ширкат варзиданд.

Пас аз ҷамъбасти мусобиқаи мазкур байни синну солҳои 2002-2003 ғолиби ҷойи якум хонандагони МТМУ №87 ноҳияи Сино, сазовори ҷойи дуюм хонандагони МТМУ №37 ноҳияи Сино ва сазовори ҷойи сеюм хонандагони МТМУ №61 ноҳияи И.Сомонӣ гардиданд. Байни синну солҳои 2004-2005 ғолиби ҷойи якум хонандагони МТМУ №37 ноҳияи Сино, сазовори ҷойи дуюм хонандагони МТМУ №2 ноҳияи Шоҳмансур ва сазовори ҷойи сеюм хонандагони МТМУ №59 ноҳияи Сино гардиданд. Байни синну солҳои 2006-2007 ғолиби ҷойи якум хонандагони МТМУ №8 ноҳияи И.Сомонӣ, сазовори ҷойи дуюм хонандагони МТМУ №23 ноҳияи Шоҳмансур ва сазовори ҷойи сеюм хонандагони МТМУ №87 ноҳияи Сино гардиданд.

Маросими ҷамъбасти мусобиқаи мазкур санаи 15 октябри соли ҷорӣ дар Маҷмааи варзишии Душанбе “Арена” доир гардида, ғолибони мусобиқа бо диплом, медал ва ҷомҳои таъсисдодаи Раёсати кор бо ҷавонон ва варзиши шаҳри Душанбе қадрдони карда шуданд.

Қайд кардан ба маврид аст, ки ғолибони мусобиқаи мазкур роҳхат ба даври ҷумҳуриявиро ба даст оварданд.