Дар “Қасри варзиш”-и шаҳри Хуҷанд, санаи 11-14 апрел, мусобиқаи кушоди вилояти Суғд оид ба бокс миёни наврасону ҷавонони синну солашон 2004-2005 ва 2006-2007 баргузор гардид.

Мусобиқаи мазкур бо иштироки варзишгарон аз ҷумҳуриҳои Тоҷикистон, Ӯзбекистон, Қазоқистон ва Қирғизистон доир шуда, дар он варзишгарон маҳорати баланди варзишии хешро нишон доданд.

Дар ҷамъбасти мусобиқа муовини раиси вилояти Суғд Баҳоваддин Баҳодурзода, сардори Раёсати кор бо ҷавонон ва варзиши вилоят Каримов Мирзоқосим ва дигар собиқадорони соҳаи варзиш иштирок намуда, ғолибон ва ҷоизадорони мусобиқаро бо туҳфаҳои хотиравӣ қадрдонӣ намуданд.