Дирӯз дар варзишгоҳи марказии ноҳияи Ашт мусобиқаи кушоди вилоятӣ оид ба гуштини тарзи озод барои дарёфти Ҷоми раиси вилояти Суғд байни ҷавонон ва наврасони соли таваллудашон 2002-2004 оғоз гардид.

Нахуст Манижа Қосимова директори МД МВ вилояти Суғд чорабиниро ҳусни оғоз бахшида, сипас меҳмонон аз Ҷумҳурии Ӯзбекистонро муаррифӣ кард. Бобур Зайлобиддинов довари байналмиллалӣ, меҳмон аз вилояти Фарғонаи Ҷумҳурии Ӯзбекистон, баромад намуда, ба варзигарон ҷиҳати ғолиб омадан дар ин мусобиқа бурдбориҳо таманно намуд.

Ёдовар мешавем, ки дар ин мусобиқа 13 даста бо иштироки беш аз 120 нафар варзишгарон барои дарёфти Ҷоми раиси вилоят байни ҳам қувваозмоӣ мекунанд.