Дар маҳаллаҳои Варзоб-гэс ва Сабзазори ноҳияи Исмоили Сомонӣ, санаи 6 август, байни наврасону ҷавонон мусобиқаҳои хурди варзишӣ аз намуди дастхобонӣ,  шашкаву шоҳмот ва бандкашӣ гузаронида шуд.

Мусобиқаҳои мазкур бо ташаббуси Бахши кор бо ҷавонон ва варзиши ноҳияи Исмоили Сомонӣ ва бо дастгирии мақомоти иҷроияи ҳокимияти давлатии ноҳия бахшида ба Рӯзи варзишгарон доир шуда,  ҳадаф аз он сазовор таҷлил намудани Рӯзи варзишгарон, пешгирии ҷавонону наврасон аз омилҳои номатлуби иртиҷоӣ, ҷинояткориву оворагардӣ, нашъамандиву нашъаҷаллобӣ ва ба ин васила тарғиби тарзи ҳаёти солим ва рушди соҳаи варзиш дар ноҳия мебошад.

Дар интиҳои мусобиқа ба ғолибон сипоснома ва туҳфаҳои хотиравӣ тақдим карда шуд.