Дастаи то 16-солаи Тоҷикистон таҳти роҳбарии Ҷаъфар Ахмедов дар Чемпионати Ассотсиатсияи футболи Осиёи Марказӣ (CAFA), ки дар Тошканд имрӯз ба анҷом расид, ғолиб омад.

Дар даври ниҳоии мусобиқа дастаи наврасони мо бо ҳамтоёни худ аз Ӯзбекистон мусовӣ – 0:0 карда, бо имтиёзҳои бадастоварда, ғолиби мусобиқа гардид.

Қаблан мунтахаби наврасони Тоҷикистон тимҳои Туркманистон (5:1), Қирғизистон (4:0) ва Афғонистон (3:2)-ро мағлуб карда, соҳиби 9 имтиёз шуда буд, ки баландтарин маҳсуб мегардид.

Ёдовар мешавем, ки дастаи то 16-солаи Тоҷикистон қаблан дар солҳои 2019, 2022, 2023 ва 2025 дар мусобиқаи CAFA ғолиб омада буданд.