Моҳи ноябр, дар рӯзҳои Федератсияи байналмилалии футбол (ФИФА) дар шаҳри Душанбе байни дастаҳои Тоҷикистон, Афғонистон ва Непал, ки дар марҳилаи интихобии Ҷоми Осиё-2027 иштирок мекунанд, силсилаи бозиҳои дӯстона баргузор мешавад.

Дар ин бора Федератсияи футболи Тоҷикистон хабар медиҳад.

Ҳамин тариқ, нахуст 13 ноябр дастаи мунтахаби Тоҷикистон бо дастаи Непал бозӣ мекунад. Пас аз се рӯз, 16 ноябр вохӯрии Непал ва Афғонистон доир мешавад. 19 ноябр бошад, бозии дӯстона байни дастаҳои мунтахаби Тоҷикистон ва Афғонистон доир хоҳад шуд.

Ёдовар мешавем, ки тамоми бозиҳо дар Варзишгоҳи марказии ҷумҳуриявии шаҳри Душанбе соати 18:00 оғоз мешаванд.

Шаҳодат ХОЛОВА, “ҶТ”