Дастаи мунтахаби олимпии Тоҷикистон (U-23) барои анҷоми марҳилаи ниҳоии омодагӣ ба қисми ниҳоии Ҷоми Осиё-2024 вориди шаҳри Давҳа шуд.

Дар ин бора аз Федератсияи футболи Тоҷикистон хабар доданд.

Ба иттилои манбаъ сармураббии тими олимпии кишвар Мубин Эргашев 24 бозигар – 3 дарвозабон, 8 ҳимоятгар, 9 нимҳимоятгар ва 4 ҳамлагарро ба ҷамъомади таълимиву тамринӣ ба Қатар даъват кардааст. Ба ҳайати даста ҳафт легионер ҳам шомил шудаанд.

Мунтахаби олимпии Тоҷикистон (U-23) дар Ҷоми Осиё-2024 дар Қатар дар гурӯҳи “С” бо дастаҳои мунтахаби Арабистони Саудӣ (16 апрел), Ироқ (19 апрел) ва Тайланд (22 апрел) бозӣ мекунад.

Ҳайати мунтахаби олимпии Тоҷикистон (U-23) барои ҷамъомади таълимиву тамринӣ дар Қатар аз инҳо иборат аст:

Дарвозабонҳо: Муҳриддин Ҳасанов (“Истиқлол”), Сафармад Ғаффоров (“Хуҷанд”), Муҳаммадрабӣ Раҳматуллоев (“Равшан”);

Ҳимоятгарон: Манучеҳр Сафаров (“Нефтчӣ”, Ӯзбекистон), Меҳрубон Каримов (“Самгурали”, Гурҷистон), Содиқҷон Қурбонов (“Истиқлол”), Раҳматшо Раҳматзода (“Равшан”), Ҳайдар Сатторов, Бекмурод Ҳаитов (ҳарду аз “Вахш”), Фахриддин Ахтамов (“Хуҷанд”), Ҷонибек Шарипов (КМВА);

Нимҳимоятгарон: Алишер Шукуров (“Динамо”, Гурҷистон), Руслан Хайлоев (“Тюмен”, Русия), Ҷомӣ Назаров (“CP Sarria”, Испания), Амадонӣ Камолов (“Истиқлол”), Азизбек Ҳаитов (“Равшан”), Шуҳрат Элмуродов, Фаридун Давлатов (ҳарду аз “Регар-ТадАЗ”), Шоҳрух Сангов, Тоҳирҷон Тағойзода (ҳарду аз “Ҳосилот”);

Ҳамлагарон: Шаҳром Самиев (“Андиҷон”, Ӯзбекистон), Далер Шарифов (“Металлург”, Ӯзбекистон), Рустам Соиров, Меҳрон Мадаминов (ҳарду аз “Истиқлол”).