Муллораҷаб Халифаев, ҷудокор шинохтаи кишвар ки тайи чанд соли охир ҳуқуқи иштирок дар мусобиқаҳои IJF-ро надошт, ба майдони ҷудо бармегардад.

Дар ин бора сомонаи расмии Федератсияи ҷудои Тоҷикистон хабар додааст.

Дар назар аст, ки Муллораҷаб Халифаев дар Гранд Слами Тифлис-2024 ба сафи мунтахаби ҷудои кишвар шомил карда шавад.

Бояд гуфт, ки Халифаев соли 2022 бе иҷозати Федератсияи ҷудои Руссия, ки то он замон Муллораҷаб зери ин кишвар баромад мекард, дар Гран Слами Боку-2022 аз номи Тоҷикистон иштирок кард ва соҳиби медали нуқра ҳам шуд. Баъдан IJF то як муддати муайян ин варзишгарро аз иштирок дар мусобиқаҳои байналмилалии ҷудо маҳрум кард. Ва тайи ду сол ин варзишгари бомаҳорати кишвар танҳо дар гӯштинҳои миллии тоҷикӣ баромад мекарду халос.

Ҳошим РАҲМАТУЛЛОЕВ, “ҶТ”