Муллораҷаб Халифаев бегоҳи имрӯз барои ба даст овардани нишони биринҷии мусобиқаи “Dushanbe Grand Slam - 2024” рақобат хоҳад кард.

Ӯ то расидан ба ин марҳила аз якчанд рақиби худ убур намуд. Халифаев зери вазни 66 кг баромад намуда, дар даври аввал бо як имтиёзи вазарӣ муқобили Мартин Сетзи олмонӣ зафар ёфт. Дар марҳилаи дуюм бошад, паҳлавони меҳан бо рақиби пурқуввати итолиёвӣ - Элиос Манзи мубориза намуда, тавонист бо мағлуб кардани ин ҳарифи сарсахти худ ба марҳилаи чаҳорякниҳоӣ роҳ ёбад.

Аммо Муллораҷаб Халифаев дар даври чаҳорякниҳоӣ аз Сардор Раҳимови туркман мағлуб шуда, ба даври тасаллобахш рафт ва он ҷо бо шикаст додани Абрек Нагучев имконият пайдо намояд, то барои ба даст овардани медили биринҷӣ талош намояд.