Шаҳром Маҳмуродов варзишгари тоҷик дар Чемпионати ҷаҳон оид ба ҷиу-ҷитсу миёни наврасон, ки дар шаҳри Бангкоки Тайланд баргузор гардид, бо маҳорати баланди варзишӣ соҳиби ҷойи аввал ва медали тилло шуд.

Маҳмуродов дар вазни 62 кг пас аз ҳашт муборизаи шадид дар ду категория тавонист медали тилло ба даст биёрад ва бори чорум қаҳрамони ҷаҳон шавад.

Тибқи иттилоъ, ӯ аввалин варзишгари тоҷикест, ки аввалин шуда, дар намуди “Ne Waza” ба ин дастовард ноил гардидааст.

Ёдовар мешавем, ки дар Чемпионати ҷаҳон оид ба ҷиу-ҷитсу миёни наврасон 1400 варзишгар аз 54 кишвари дунё иштирок намуданд.

“ҶТ”