Ёсуман Салимова ва Диана Иванихина, теннисбозони ҷавони кишвар дар мусобиқаи байналмилалӣ сазовори медалҳои нуқра ва биринҷӣ гардиданд.

Мусобиқаи мазкур дар давлати Малайзия баргузор гардид.

Дар он Ёсуман миёни иштирокчиёни то 10-сола соҳиби медали нуқра ва Диана бошад, миёни иштирокчиёни то 15-сола медали биринҷӣ ба даст овард.

Ба иттилои Кумитаи миллии олимпии кишвар айни замон дастаи мунтахаби ҷавонони Тоҷикистон оид ба теннис бо роҳбарии сармураббӣ Абдурасул Муҳиддинов дар Малайзия қарор дорад. Даста ба ҷамъомадҳои машқию таълимӣ фаро гирифта шуда, дар якчанд мусобиқаи байналмилалӣ иштирок мекунад. Варзишгарони мо сазовори хол гардида, ба раддабандии ҷаҳонӣ, ки солҳо боз номи варзишгарони тоҷик нест, ворид мешаванд.

Дастаи мунтахаби мо дар ҳайати Аҳмад Алмовов, Ёсуман Салимова, Диана Иванихина, Хушбахт Каримов, Исамҷон Шарифов ва Аминҷон Абдуллоев 29-30 ноябр дар мусобиқаи дигари байналмилалӣ дар Малайзия ширкат мекунанд.