Дар варзишгоҳи “Спартак”-и шаҳри Хуҷанд, санаи 3 август, бозии ниҳоӣ барои дарёфти “Ҷоми вилоят-2019” байни дастаҳои “Мастчоҳ” ва “Равшан” доир гардид.

Бозии мазкур дар сатҳи олӣ баргузор гардида, дар он футболбозони ноҳияи Мастчоҳ  тавонистанд, ҳарифи худро  пас аз мусовӣ дар вақти асосӣ 1:1 тавассути зарбаҳои 11-метра бо ҳисоби 5:4 шикаст диҳанду соҳиби ҷом гарданд.

Дар маросими чоизасупорӣ сардори Раёсати кор бо ҷавонон ва варзиши вилояти Суғд Мирзоқосим Каримов ва муовини раиси Федератсияи футболи вилоят Рустам Марофиев иштирок карда, ба ғолибон ҷом, медал ва ифтихорнома тақдим намуданд.