Дар шаҳри Тошканди Ҷумҳурии Ӯзбекистон мусобиқаи кушоди байналмилалӣ оид ба намуди муҳорибаи якҳарбаи шарқӣ “Ҷит-кун-до” доир гардида, дар он 7 нафар варзишгар аз ноҳияи Ашт иштирок намуданд.

Бино ба иттилои Сангинбой Авазов, мураббии даста, устоди варзиши муҳорибаи якҳарбаи шарқӣ мусобиқа ба хотири гиромидошти устоди варзиш Брюс-лӣ бо иштироки 12 давлати Осиё доир шуда, дар он варзишгарони тоҷик бо натиҷаҳои хуби варзишӣ мақоми сеюмро соҳиб гардиданд.

Дар ин мусобиқа варзишгарони тоҷик 1 нафар ҷойи аввал, 2 нафар ҷойи дуввум ва 4 нафар ҷойи сеюмро ишғол намуда, парчами кишварро дар ин мусобиқа баланд бардоштанд.