Қаҳрамони собиқи UFC дар ду вазн Конор Макгрегор (22-6) ба пирӯзии тими миллии Испания бар Англия дар финали Евро-2024 шарти калон гузошт.

Агар испаниҳо дар финал муваффақ шаванд размгари ирландӣ як миллион доллар ба даст хоҳад овард.

“Испания, ба пеш! Пули ҳангуфт барои бурди ту. Агар ғалаба куни беҳтарин туҳфа дар рӯзи таваллуди ман хоҳад шуд”,- навиштааст Макгрегор дар шабакаи иҷтимоии X.

Бояд гуфт, ки финали Евро-2024 байни мунтахабҳои Испания ва Англия рӯзи 14 июл дар Берлин баргузор мегардад.

Қаблан Макгрегор барои пирӯзии Нейт Диас (1-1) дар бокс бо Хорхе Масвидал (1-1) 500 ҳазор доллар шарт гузошта буд. Ӯ 1,6 миллион доллар аз ин шартбандӣ кор карда буд.

Яҳё МАҲМАДНАБИЕВ, “ҶТ”