ХОВАЛИНГ. СОКИНОНИ МАҲАЛЛАИ ТУТАК СОҲИБИ МАЙДОНЧАИ ВАРЗИШИИ ХУРДИ БОЛОПӮШИДА ШУДАНД

11-уми сентябр дар доираи сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Ховалинг раиси вилояти Хатлон Давлаталӣ Саид ва раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода дар маҳаллаи Тутак майдончаи варзишии хурди болопӯшидаро мавриди истифода қарор доданд.

Зикр гардид, ки сохтмони чунин майдончаҳои варзишӣ на танҳо барои рушди соҳаи варзиш, балки барои пешгирии ҷавонон аз равияҳои номатлуб ва тарғиби оммавии тарзи ҳаёти солим аҳамияти бузург дорад.