19 май дар шаҳру ноҳияҳои вилояти Хатлон чорабиниҳои омавӣ – варзишии марафони велосипедронӣ ва Рӯзи дави миллӣ доир гардид.

Чорабинии мазкур дар асоси нақшаи чорабиниҳои фарҳангӣ – фароғатӣ, илмиву маърифатӣ, оммавию варзишӣ, адабӣ – бадеӣ ва солимгардонӣ бахшида ба таҷлили Рӯзи ҷавонони Тоҷикистон таҳти унвони “Ҷавонон-пайрави Пешвои миллат” баргузор карда шуд.

Тибқи итиллои Раёсати кор бо ҷавонон ва варзиши вилояти Хатлон дар умум дар шаҳру ноҳияҳои вилояти Хатлон дар чорабиниҳои Рӯзи дави миллӣ 163236 нафар сокинон ва аз ин шумора 34270 нафар бонувон ва дар  чорабинии марафони велосипедронӣ бошад беш аз 4688 нафар сокинон фаъолона иштирок намуданд. 

Дар ҷамъбаст ба иштирокчиёни фаъоли чорабиниҳо диплому сипосномаҳои кумитаи тадорукот тақдим карда шуданд.