Имрӯз дар деҳаи Гармчашмаи ноҳияи Ванҷи ВМКБ майдончаи варзишӣ мавриди баҳрабардорӣ қарор дода шуд.

Дар рафти ифтитоҳи иншооти варзишӣ раиси ВМКБ Мирзонабот Алишер Худобердӣ иштирок намуд.

Иттилоъ дода шуд, ки майдончаи мазкур дар масоҳати 20Х30 бо ибтикори соҳибкори маҳаллӣ ба ифтихори 34 - солагии Истиқлоли давлатӣ сохта шудааст.

Гуфта шуд, ки маҳз бо дастури Пешвои муаззами миллат муҳтарам Эмомалӣ Раҳмон дар деҳаҳое, ки зиёда аз сад хоҷагӣ доранд, бунёди толору майдончаҳои варзишӣ ба нақша гирифта шуда, аллакай даҳҳо иншооти варзишӣ дар шаҳру ноҳияҳои вилоят ба истифода дода шуданд.

Таъкид шуд, ки дар заминаи дастгириҳои Ҳукумати мамлакат соҳаи варзиш дар вилоят рушд намуда, дастовардҳо дар ин самт сол ба сол афзуда истодаанд.

Ҷавонони деҳаи Гармчашма аз бунёди майдончаи варзишӣ изҳори хушнудӣ намуда, миннатдориашонро ба Ҳукумати кишвар баён карданд.

Садоншо ҶАНОБИЛШОЕВ, "ҶТ"