Бахшида ба 25 - солагии Кумитаи ҳолатҳои фавқулода ва мудофиаи граждании назди Ҳукумати Ҷумҳуриии Тоҷикистон дар шаҳри Хоруғ миёни 13 дастаи мақомотҳои қудратии ВМКБ мусобиқаи футбол оғоз ёфт.

Тавре аз Раёсати кор бо ҷавонон ва варзиши вилоят хабар доданд, чорабинии варзиширо сардори раёсат Сураҷ Чоршанбиев кушода эълон намуда, он то 8 августи солӣ ҷорӣ идома меёбад.

Дар мусобиқа асосан сохторҳои Раёсати Вазорати корҳои дохилӣ ва шуъба он дар Хоруғ, Раёсати Кумитаи давлатии амниятӣ миллӣ дар вилоят, Хадамоти гумрук, Комендатураи ҳарбӣ ва Кумитаи ҳолатҳои фавқулода бо ҳам рақобат мекунанд.

Бояд гуфт, ки чорабинӣ бо ташаббуси Кумитаи ҳолатҳои фавқулода дар ҳамкорӣ бо Раёсати кор бо ҷавонон ва варзиши вилоят сурат гирифта, ғолибон бо ҷом, медал, ифтихорнома ва дигар туҳфаҳо мушарраф хоҳанд гашт.