Дар рӯзи аввали Мусобиқаи байналмилалии ҷудо “Dushanbe Grand Slam - 2025”, ки ҳоло ҷараён дорад, ду ҷудокори кишвар дар вазни -66 кг ба финали мусобиқа баромаданд.

Дар вазни -66 кг Эмомалии Нуралӣ ва Обид Ҷебов дар даврҳои гуногун ба ҳамаи рақибони худ дастболо шуда, ба финал роҳ ёфтанд ва акнун барои нишони тиллои ин мусобиқа миёни ҳам қувваозмоӣ намудаву финали тоҷикиро нишон медиҳанд.

Ёдовар мешавем, ки маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн байни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро қадрдонӣ мешаванд.

Дар “Dushanbe Grand Slam-2025”, ки аз 2 то 4 май идома меёбад, 226 варзишгар (123 мард ва 103 зан) аз 27 давлати ҷаҳону 4 қитъаи олам ширкат доранд.

“ҶТ”