Ба ифтихори Соли ҷавонон, ки аз тарафи Пешвои миллат, Президенти мамлакат Эмомалӣ Раҳмон эълон шудааст, Федератсияи футболи Тоҷикистон тасмим гирифт шабакаи телевизионии футбол таъсис диҳад.

Ба иттилои хадамоти матбуотии ФФТ, шабкаи “Футбол” рӯзҳои наздик ба кор оғоз мекунад ва аввалин шабакаи соҳавӣ дар кишвар хоҳад буд ва барномаҳо дар формати муосири телевизионии HD пешниҳод мешаванд.

Шабакаи нави “Футбол” бозиҳои тимҳои мунтахаби Тоҷикистон, Лигаи футболи Тоҷикистон – лигаи олӣ, лигаи аввал, чемпионат ва мусобиқаҳои Конфедератсияи футболи Тоҷикистон – Лигаи чемпионҳои КФО, Ҷоми КФО, Чемпионати Осиёро намоиш медиҳад. Дар ин шабака, ҳамчунин бозиҳои Лигаи чемпионҳои UEFA, Лигаи Аврупо, Премер-лигаи Англия, Ла-Лига (Чемипионати Испания), Серияи “А” (Чемпионати Италия), Бундеслига (Чемпионати Олмон), Лигаи 1 (Чемпионати Фаронса) ва дигар мусобиқаҳои Аврупоро метавон дид.

Дар ин шабакаи телевизионӣ бинанда бо ҳаёту фаъолияти ситораҳои футбол, клубҳо ва дастаҳои мунтахаб ошно мешавад.

Феълан корҳои омодагӣ барои пахши барномаҳо идома дорад.