ВАРЗИШ
Ҷумъа 05 Июн 2026 11:46
Фаридун Одилов размикори номошнои меҳан, ки айни замон шӯҳраташ саросари кишварро фаро гирифта, аз ӯ дар хотироти мардум таҳамтани ҳақиқӣ, намоди мардиву мардонагиро ба ёд гузоштааст.
Фаридун зодаи ноҳияи Ҷаббор Расулов мебошад. Ӯ дар оилаи варзишгар ба дунё омадааст. Падараш устоди варзиши СССР оид ба гӯштини тарзи озод буд. Айни замон 33 сол дорад ва шарафи ташкилотҳои бонуфузи ММА, ба мисли GFC, EFC , Eagle FC ва ACA-ро бори дӯш дорад.
Ҳамакнун фурсату имконоти мусоид ёфтем, то бобати корномаи варзишии ин номвари меҳан суҳбате анҷом диҳем.
- Дуруст аст, ки аз 6-солагӣ тамринро оғоз намудед?
- Бале, падарам чунин мегӯяд. Он лаҳзаҳоро ӯ хуб дар ёд дорад, чун аз вақте ки худро мешиносам, рӯи гилеми варзишиям. Даврони кӯдакиамро кам дар ёд дорам, аммо ҳамон саги вафодор ва ҳамон ҷузвдони варзишӣ, ки дар роҳ самти тамрингоҳ ҳамеша бо ман буданд, аз ёдам намеравад. Ҳоло ҳам аз он замон чизе тағйир наёфтааст, танҳо сагам несту тамом. Афсус!
- Шумо корномаи варзишии хешро аз гӯштини тарзи озод ва самбо оғоз намудед. Чаро маҳз аз гӯштин?
- Падарам устоди гӯштини самбо ва гӯштини тарзи озод, мураббии хизматнишондодаи ИҶШС буданд. Пас аз соҳибистиқлол шудани Тоҷикистон дар толорҳои варзишии ноҳияи Ҷаббор Расулов мураббӣ шуда кор мекарданд. Азбаски падарам мураббии гӯштин буданд, мо се бародар ҳам сараввал корро аз ин навъи варзиш оғоз намудем. Аз намуди гӯштини самбо ҳам дастовардҳои назаррас дорам. Дар ин ҷода панҷ маротиба ба гирифтани унвони қаҳрамони Тоҷикистон оид ба самбо, барандаи медали нуқраи Бозиҳои осиёии 2017 ва барандаи медали нуқраи Чемпионати Осиё (2017) оид ба самбо гардидаам.
- Омаданатон ба ММА чӣ таърих дорад?
- Соли 2015 барои роҳ ёфтан ба Бозиҳои олимпии Рио-2016 аз намуди гӯштини тарзи озод зиёд кӯшиш кардам, аммо натавонистам роҳхати Бозиҳои олимпиро ба даст орам. Ростӣ, ин омил аз ҷиҳати равонӣ ба ман таъсири сахт расонид. Ба якборагӣ дилам аз варзиш сард шуд ва муддати 2-3 моҳ тамринро ба пуррагӣ раҳо намудам. Соли 2016 Донишкадаи тарбияи ҷисмониро хатм намуда, дар ноҳия ба пешаи омӯзгорӣ машғул шудам. Дар мактаби №5-и ноҳия ба толибилмон аз фанни тарбияи ҷисмонӣ дарс медодам, аммо як рӯз, хато накунам, оғози соли 2016 буд, ки як мураббиям занг зада пешниҳод намуд, ки дар шаҳри Хуҷанд рақобатҳои бидуни қоида баргузор мегардад ва ғолиб соҳиби 100 доллари амрикоӣ мегардад. Ман рафтаму рақобат кардам ва соҳиби 100 доллар шудам.
Пас аз ин воқеа боз шуълаи варзиш дар дилам пайдо шуд, боз рафтам самти тамрингоҳу оғоз кардам тамрину омодагиро.
- Рақобатҳои касбӣ дар ММА чӣ гуна оғоз гардиданд?
- Тобистони соли 2016 ташкилоти “WEF WEF ProfFight 7” дар Қазоқистон мусобиқаи муҳорибаҳои омехтаро баргузор кард. Ман дар он мусобиқа бо варзишгари қазоқ Алтинбек Мамашов рақобат намудам. Дар ин дидор, агарчи бартарии бештар ҷониби ман буд, аммо мизбонро ғолиб эълон карданд. Ҳамин тавр, корномаи касбиам оғоз шуд.
- Варзишгари бебохти қазоқис-тонӣ Шавкат Раҳмон, ки ҳоло дар ташкилоти бонуфузи UFC баромад мекунад, дар як мусоҳибааш қайд мекунад, ки ӯ танҳо муқобили шумо эҳсоси мағлубият карда буд. Воқеан, он рӯз шумо рақобатро бисёр хуб оғоз кардед ва наздик буд рақибро нокаут кунед, аммо дар пайти охир рақиб фаъол гашту шуморо мағлуб кард. Иллат дар чӣ буд?
- Рақобат муқобили Шавкат Раҳмон дар корномаи ман ҳам рақобати бисёр сахту сангин аст. Дуруст мегӯед, ки корро бисёр хуб оғоз намудам ва ҳатто наздик буд Шавкат-ро ба нокаут фиристам, аммо иллати камтаҷрибагӣ буд ва ё наомӯхтани рақиб, ки он рақобатро бохтам. Ростӣ, ман дар бохтҳоям ба ҷуз аз худ касеро гунаҳгор намекунам, шояд тамринро нодуруст анҷом додам ё рақибро нодида гирифтам, ки боиси бохтҳоям гардиданд.
- Соли 2019 ба ташкилоти GFC шартнома бастед ва дар ин ташкилот бисёр хуб ҳунарнамоӣ мекардед. Аз чор рақобате, ки дар ин ташкилот баргузор кардед, ҳамвора пирӯз гардидаед, аммо чӣ боис гашт, то шартномаро қатъ кунед?
- Соли 2021 аз ҳайати ташкилоти Eagle FC, ки марбут ба варзишгари машҳур Ҳабиб Нурмагомедов ҳаст, як рақобат барои камарбанди ин ташкилот гузаронидам ва дар он дидор размикори испанӣ Инок Солвес Торресро мағлуб намуда, соҳиби камарбанд шудам. Камарбандро худи Ҳабиб ба ман тақдим кард ва комёбӣ хост.
Баъди ба даст овардани камарбанди Eagle FC ташкилоти бонуфузи ACA, ки пас аз UFC дар мақоми дуюм қарор дорад, пешниҳоди шартнома кард ва ман ҳам розӣ шудам. Ҳамин тавр, аз соли 2023 то кунун дар ин ташкилот рақобат мекунам.
- 15 декабри соли 2024 дар рақобати финалии ташкилоти АСА муқобили Адлан Ибрагимов рақобатро бохтед. Ин бохт ҳангомаи зиёдро ба вуҷуд овард ва ҳатто баъзеҳо бар он буданд, ки рақобатро фурӯхтаед, чун тамоми давр рақибро ба гунае нафас кашидан намемондед, аммо дар охир ба тариқи буғӣ кардан шуморо таслим кард. Бархӯрдатон ба ин овозаҳо чӣ гуна аст?
- Бале, ин овозаҳо ба гӯши ман ҳам расид. Ростӣ, аз хулосаи баъзе мухлисон бисёр руҳафтода шудам, аммо асоси бохт, тавре ки мардум фикр мекунад, набуд. Барои муқобили Адлан ба майдон баромадан маро зарур буд вазн кам кунам ва дар фурсати кӯтоҳ ман 4 кг вазн партофтам. Вақте ки варзишгар вазн кам мекунад, табибон барои барқарор сохтани ҳолати мушакҳо витаминҳои махсусро ба организми варзишгарон ворид мекунанд ва ба ман ҳам чунин ҳолат рух дод. Ҳангоми ворид намудани витаминҳо меъёри онҳо каме зиёд шудааст. Аз ин рӯ, вақте ки ба ҳашткунҷа баромадам, гумон мекардам, ки дар ҳарду дастам 10-литрӣ об бастаанд, дастонам ниҳоят вазнин шуда буданд, замоне ки рақибро ба замин афтонидам, дастонам мушт намешуданд. Маҳз ҳамин омил боиси шикастам шуд, вагарна ман ҳаргиз рақобатамро нафурӯхтаам!
- Пас аз рақобат муқобили Леонардо Силва изҳор доштед, ки падаратон аз ҳама бештар барои набардҳои шумо нигарон мешавад. Нигаронии бештари падар аз чист?
- Бовар кунед, аз замоне ки ташкилот бароям рақиб муайян мекунад, хоб аз чашми падарам мепарад. То рӯзи рақобат кулли мусобиқаҳои рақибро меомӯзад, чиҳати заъф ва бартариятҳояшонро муайян мекунад. Азбаски падарам худ устоди варзиш аст, зуд пай мебарад, ки рақибам дар ҳолати рост истодан хуб кор мекунад ва ё дар замин. Аз ин рӯ, ҳолатро мушаххас намуда, ба ман тавсия медиҳад, ки аз кадом ҳаракати рақибам эҳтиёт кунам. Аксар тавсияҳои падарам натиҷаи мусбат медиҳад ва боиси пирӯзии ман мегардад. Ба ҳамин хотир, бо наздик шудани рақобатҳоям аз ман дида ташвиши падарам зиёд аст.
- Баробари баромад намудан аз ташкилотҳои бузурги ММА шумо аз самбои размӣ ҳам Тоҷикистонро муаррифӣ мекунед. Чанд рӯз қабл дар Ҷоми ҷаҳони самбо, ки мизбон кишвари мо буд, ба гирифтани нишони заррин мушарраф гаштед, аммо дар оғоз наздик буд шуморо аз ҳаққи рақобат маҳрум кунанд. Дар кадом асос шуморо мехостанд аз рақобат маҳрум намоянд?
- Дуруст аст, ки пеш аз ворид шудан ба майдон каме нофаҳмӣ шуд. Далели ин нофаҳмӣ ба бар намудани нимтанаи гӯштингирӣ буд, ки ҳайати доварон ба он эрод гирифтанд. Ман ҳангоми ба майдон баромадан, ба ҷойи нимтанаи самбои размӣ нимтанаи самбои варзиширо ба тан намуда будам, ки каме мушкил эҷод кард. Хушбахтона, ҳамааш ба хубӣ анҷом ёфт ва сазовори нишони тилло гардидам.
Яҳё МАҲМАДНАБИЕВ, “ҶТ”
Фаридун зодаи ноҳияи Ҷаббор Расулов мебошад. Ӯ дар оилаи варзишгар ба дунё омадааст. Падараш устоди варзиши СССР оид ба гӯштини тарзи озод буд. Айни замон 33 сол дорад ва шарафи ташкилотҳои бонуфузи ММА, ба мисли GFC, EFC , Eagle FC ва ACA-ро бори дӯш дорад.
Ҳамакнун фурсату имконоти мусоид ёфтем, то бобати корномаи варзишии ин номвари меҳан суҳбате анҷом диҳем.
- Дуруст аст, ки аз 6-солагӣ тамринро оғоз намудед?
- Бале, падарам чунин мегӯяд. Он лаҳзаҳоро ӯ хуб дар ёд дорад, чун аз вақте ки худро мешиносам, рӯи гилеми варзишиям. Даврони кӯдакиамро кам дар ёд дорам, аммо ҳамон саги вафодор ва ҳамон ҷузвдони варзишӣ, ки дар роҳ самти тамрингоҳ ҳамеша бо ман буданд, аз ёдам намеравад. Ҳоло ҳам аз он замон чизе тағйир наёфтааст, танҳо сагам несту тамом. Афсус!
- Шумо корномаи варзишии хешро аз гӯштини тарзи озод ва самбо оғоз намудед. Чаро маҳз аз гӯштин?
- Падарам устоди гӯштини самбо ва гӯштини тарзи озод, мураббии хизматнишондодаи ИҶШС буданд. Пас аз соҳибистиқлол шудани Тоҷикистон дар толорҳои варзишии ноҳияи Ҷаббор Расулов мураббӣ шуда кор мекарданд. Азбаски падарам мураббии гӯштин буданд, мо се бародар ҳам сараввал корро аз ин навъи варзиш оғоз намудем. Аз намуди гӯштини самбо ҳам дастовардҳои назаррас дорам. Дар ин ҷода панҷ маротиба ба гирифтани унвони қаҳрамони Тоҷикистон оид ба самбо, барандаи медали нуқраи Бозиҳои осиёии 2017 ва барандаи медали нуқраи Чемпионати Осиё (2017) оид ба самбо гардидаам.
- Омаданатон ба ММА чӣ таърих дорад?
- Соли 2015 барои роҳ ёфтан ба Бозиҳои олимпии Рио-2016 аз намуди гӯштини тарзи озод зиёд кӯшиш кардам, аммо натавонистам роҳхати Бозиҳои олимпиро ба даст орам. Ростӣ, ин омил аз ҷиҳати равонӣ ба ман таъсири сахт расонид. Ба якборагӣ дилам аз варзиш сард шуд ва муддати 2-3 моҳ тамринро ба пуррагӣ раҳо намудам. Соли 2016 Донишкадаи тарбияи ҷисмониро хатм намуда, дар ноҳия ба пешаи омӯзгорӣ машғул шудам. Дар мактаби №5-и ноҳия ба толибилмон аз фанни тарбияи ҷисмонӣ дарс медодам, аммо як рӯз, хато накунам, оғози соли 2016 буд, ки як мураббиям занг зада пешниҳод намуд, ки дар шаҳри Хуҷанд рақобатҳои бидуни қоида баргузор мегардад ва ғолиб соҳиби 100 доллари амрикоӣ мегардад. Ман рафтаму рақобат кардам ва соҳиби 100 доллар шудам.
Пас аз ин воқеа боз шуълаи варзиш дар дилам пайдо шуд, боз рафтам самти тамрингоҳу оғоз кардам тамрину омодагиро.
- Рақобатҳои касбӣ дар ММА чӣ гуна оғоз гардиданд?
- Тобистони соли 2016 ташкилоти “WEF WEF ProfFight 7” дар Қазоқистон мусобиқаи муҳорибаҳои омехтаро баргузор кард. Ман дар он мусобиқа бо варзишгари қазоқ Алтинбек Мамашов рақобат намудам. Дар ин дидор, агарчи бартарии бештар ҷониби ман буд, аммо мизбонро ғолиб эълон карданд. Ҳамин тавр, корномаи касбиам оғоз шуд.
- Варзишгари бебохти қазоқис-тонӣ Шавкат Раҳмон, ки ҳоло дар ташкилоти бонуфузи UFC баромад мекунад, дар як мусоҳибааш қайд мекунад, ки ӯ танҳо муқобили шумо эҳсоси мағлубият карда буд. Воқеан, он рӯз шумо рақобатро бисёр хуб оғоз кардед ва наздик буд рақибро нокаут кунед, аммо дар пайти охир рақиб фаъол гашту шуморо мағлуб кард. Иллат дар чӣ буд?
- Рақобат муқобили Шавкат Раҳмон дар корномаи ман ҳам рақобати бисёр сахту сангин аст. Дуруст мегӯед, ки корро бисёр хуб оғоз намудам ва ҳатто наздик буд Шавкат-ро ба нокаут фиристам, аммо иллати камтаҷрибагӣ буд ва ё наомӯхтани рақиб, ки он рақобатро бохтам. Ростӣ, ман дар бохтҳоям ба ҷуз аз худ касеро гунаҳгор намекунам, шояд тамринро нодуруст анҷом додам ё рақибро нодида гирифтам, ки боиси бохтҳоям гардиданд.
- Соли 2019 ба ташкилоти GFC шартнома бастед ва дар ин ташкилот бисёр хуб ҳунарнамоӣ мекардед. Аз чор рақобате, ки дар ин ташкилот баргузор кардед, ҳамвора пирӯз гардидаед, аммо чӣ боис гашт, то шартномаро қатъ кунед?
- Соли 2021 аз ҳайати ташкилоти Eagle FC, ки марбут ба варзишгари машҳур Ҳабиб Нурмагомедов ҳаст, як рақобат барои камарбанди ин ташкилот гузаронидам ва дар он дидор размикори испанӣ Инок Солвес Торресро мағлуб намуда, соҳиби камарбанд шудам. Камарбандро худи Ҳабиб ба ман тақдим кард ва комёбӣ хост.
Баъди ба даст овардани камарбанди Eagle FC ташкилоти бонуфузи ACA, ки пас аз UFC дар мақоми дуюм қарор дорад, пешниҳоди шартнома кард ва ман ҳам розӣ шудам. Ҳамин тавр, аз соли 2023 то кунун дар ин ташкилот рақобат мекунам.
- 15 декабри соли 2024 дар рақобати финалии ташкилоти АСА муқобили Адлан Ибрагимов рақобатро бохтед. Ин бохт ҳангомаи зиёдро ба вуҷуд овард ва ҳатто баъзеҳо бар он буданд, ки рақобатро фурӯхтаед, чун тамоми давр рақибро ба гунае нафас кашидан намемондед, аммо дар охир ба тариқи буғӣ кардан шуморо таслим кард. Бархӯрдатон ба ин овозаҳо чӣ гуна аст?
- Бале, ин овозаҳо ба гӯши ман ҳам расид. Ростӣ, аз хулосаи баъзе мухлисон бисёр руҳафтода шудам, аммо асоси бохт, тавре ки мардум фикр мекунад, набуд. Барои муқобили Адлан ба майдон баромадан маро зарур буд вазн кам кунам ва дар фурсати кӯтоҳ ман 4 кг вазн партофтам. Вақте ки варзишгар вазн кам мекунад, табибон барои барқарор сохтани ҳолати мушакҳо витаминҳои махсусро ба организми варзишгарон ворид мекунанд ва ба ман ҳам чунин ҳолат рух дод. Ҳангоми ворид намудани витаминҳо меъёри онҳо каме зиёд шудааст. Аз ин рӯ, вақте ки ба ҳашткунҷа баромадам, гумон мекардам, ки дар ҳарду дастам 10-литрӣ об бастаанд, дастонам ниҳоят вазнин шуда буданд, замоне ки рақибро ба замин афтонидам, дастонам мушт намешуданд. Маҳз ҳамин омил боиси шикастам шуд, вагарна ман ҳаргиз рақобатамро нафурӯхтаам!
- Пас аз рақобат муқобили Леонардо Силва изҳор доштед, ки падаратон аз ҳама бештар барои набардҳои шумо нигарон мешавад. Нигаронии бештари падар аз чист?
- Бовар кунед, аз замоне ки ташкилот бароям рақиб муайян мекунад, хоб аз чашми падарам мепарад. То рӯзи рақобат кулли мусобиқаҳои рақибро меомӯзад, чиҳати заъф ва бартариятҳояшонро муайян мекунад. Азбаски падарам худ устоди варзиш аст, зуд пай мебарад, ки рақибам дар ҳолати рост истодан хуб кор мекунад ва ё дар замин. Аз ин рӯ, ҳолатро мушаххас намуда, ба ман тавсия медиҳад, ки аз кадом ҳаракати рақибам эҳтиёт кунам. Аксар тавсияҳои падарам натиҷаи мусбат медиҳад ва боиси пирӯзии ман мегардад. Ба ҳамин хотир, бо наздик шудани рақобатҳоям аз ман дида ташвиши падарам зиёд аст.
- Баробари баромад намудан аз ташкилотҳои бузурги ММА шумо аз самбои размӣ ҳам Тоҷикистонро муаррифӣ мекунед. Чанд рӯз қабл дар Ҷоми ҷаҳони самбо, ки мизбон кишвари мо буд, ба гирифтани нишони заррин мушарраф гаштед, аммо дар оғоз наздик буд шуморо аз ҳаққи рақобат маҳрум кунанд. Дар кадом асос шуморо мехостанд аз рақобат маҳрум намоянд?
- Дуруст аст, ки пеш аз ворид шудан ба майдон каме нофаҳмӣ шуд. Далели ин нофаҳмӣ ба бар намудани нимтанаи гӯштингирӣ буд, ки ҳайати доварон ба он эрод гирифтанд. Ман ҳангоми ба майдон баромадан, ба ҷойи нимтанаи самбои размӣ нимтанаи самбои варзиширо ба тан намуда будам, ки каме мушкил эҷод кард. Хушбахтона, ҳамааш ба хубӣ анҷом ёфт ва сазовори нишони тилло гардидам.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед