ВАРЗИШ
Ҷумъа 05 Июн 2026 02:48
Дар ҷаҳони футбол кам иттифоқ меафтад, ки табиат як бозингари воқеан нодирро ба майдон биёрад. Нафаре, ки на танҳо гол мезанад, балки қудрати бозиро дигар мекунад, руҳияи нав меоварад ва ба насли ҷавон илҳом мебахшад. Эрлинг Браут Ҳоланд маҳз чунин падида аст: ҷавоне аз кишвари орому сарди Скандинавия, ки танҳо дар чанд сол ба яке аз хатарноктарин ҳамлагарони асри мо табдил ёфт. Дар чеҳраи ӯ неруи ҷавонӣ, иродаи азим, истеъдоди фитрӣ ва ҷуссаи ғайримуқаррарӣ чунон омехтаанд, ки гӯё худи футбол мехост дар қарни нав як намунаи нав, як ҳамлагари комилан дигар бисозад.
Эрлинг 21 июли соли 2000 дар шаҳри Лидс, дар хонаводаи варзишгарони ҳирфаӣ ба дунё омад. Падараш Алф-Инге Ҳоланд солҳои зиёд дар Премйер-Лига таҷрибаи бузурги бозӣ дошт, модараш Гри Мари дар варзиши сабук медалҳои зиёд ба даст оварда буд. Ин омезиши нодири генетика, муҳити солими варзишӣ ва муҳаббати самимии хонаводагӣ ба Ҳоланди хурдсол неруе дода буд, ки дер ё зуд бояд дар футболи калон инқилоб мекард. Баъди бозгашт ба Норвегия, маҳз дар кӯчаҳои шамолхези шаҳри Брин, ин ҷавон аввалин бор тӯбро ба по гирифт ва дар ҳамон синни панҷ-шашсолагӣ нишон дод, ки дар ӯ чизе бештар аз як бозингари наврас нуҳуфтааст.
Дар академияи “Брин ФК” ӯ аз дигарон фарқ мекард, қомати баланд, суръати ғайримуқаррарӣ, неруи тавоно ва маҳорати баланди голзаниаш ӯро дар миёни ҳамсолонаш фарқкунандаву барҷастатар нишон медод. Ҳоланд ҳамагӣ 15-сола буд, ки дар дастаи дуюми “Брин” 18 гол дар 14 бозӣ зад. Ин натиҷаи ҳайратовар барои он синну сол рекордӣ буд, ки аксарият ангушти ҳайрат мегазиданд. Аммо вақте ба дас-таи асосӣ гузашт, тули 16 бозӣ гол зада натавонист. Барои бисёриҳо ин шикаст буд, аммо барои Ҳоланд, ин омил омӯхтани сабру таҳаммул. Бозингарон баъдтар нақл мекарданд, ки ӯ ҳар рӯз бештар кор мекард, бештар медавид, бештар мекӯшид. Маҳз ин талошҳо боз ҳам ӯро ба асли хеш баргардонид.
Дар майдонҳои бузурги футбол барои Ҳоланд қадами калидӣ соли 2017 гузошта шуд ва он ҳам замоне, ки Эрлинг ба дас-таи “Молде” пайваст. Ин даста, ки таҳти роҳбарии Оле-Гуннар Солскяер қарор дошт, барои ӯ ба як мактаб табдил ёфт. Солскяер ба Ҳоланд омӯхт, ки чӣ гуна бартариҳои ҷисмонии худро дуруст истифода кунад, чӣ гуна дар ҷаримагоҳ ҳамчун шикорчии воқеӣ амал намояд, чӣ гуна дар фазои танг қарори дуруст гирад ва чӣ гуна зарбаҳои аз ду ҷониб партофтшударо моҳирона вориди дарвозаи ҳариф намояд. Дар мавсими соли 2018 ӯ дар 25 бозӣ 12 гол зад ва дар қатори голзанҳои ҷавонтарини он мавсим мавқеъ пайдо кард.
Аммо таркиши ҳақиқии Эрлинг соли 2019 дар Австрия ба амал омад. Гузариш ба “Ред Булл Залсбург” ӯро ба як мошини голзанӣ табдил дод. Дар Лигаи чемпионҳо ҳамагӣ дар 6 бозӣ 8 гол зад, дар чемпионати Австрия бошад, қариб дар ҳар бозӣ гол мезад. Номи ӯ ногаҳон дар рӯйхати даҳҳо клубҳои аврупоии калон пайдо шуд. Ҳар журналист ва ҳар коршинос медонист, ки дар олами футбол як ситораи нав арзи ҳастӣ кардааст.
Январи соли 2020 ӯ ба “Боруссия Дортмунд” гузашт ва дар он ҷо ҳангоми дебюташ баъди ба майдон омадан ҳамчун бозингари ивазкунанда дар 20 дақиқа ҳет-трик кард. Аз он ба баъд “Дортмунд” барояш як саҳнаи бузург гардид. Дар 88 бозӣ 85 гол, ки ин рақамҳо на танҳо омор, балки нишондиҳандаи онанд, ки Ҳоланд дар ин солҳо ба падидаи ҷаҳонӣ табдил ёфт. Дар Лигаи чемпионҳо рекордҳои синну солӣ шикаста шуданд, дар Аврупо ҳамлагарони кам мисли ӯ тарс меофариданд.
Майи соли 2022 ӯ ба манзиле расид, ки бисёриҳо онро орзу мекунанд: “Манчестер Сити” ва ҳунарнамоӣ зери роҳбарии Пеп Гвардиола ӯро боз ҳам ба мақому номи баланд баровард. Дар “Манчестер Сити” Ҳоланд танҳо голзан нест, балки маркази тамоми системаи ҳамла мебошад, ки бозиро мечархонад. Дар мавсими аввали худ 52 гол зад, рекорди Премйер-Лигаро шикаст ва дар ҳамон сол бо даста Лигаи чемпионҳо, Премйер-Лига ва Ҷоми Англияро ба даст овард. Ҳоланд дар “Сити” на танҳо як варзишгар, балки як қувваи стратегӣ, як модели нави ҳамлагар дар футболи муосир гардид.
Аммо нақши ӯ танҳо ба сатҳи даставӣ маҳдуд намешавад. Дар ҳайати мунтахаби Норвегия, ки солҳои зиёд аз саҳнаи мусобиқаҳои бузург дур монда буд, Ҳоланд ба рамзи умед табдил ёфт. Ӯ дар 15 бозии аввали худ 21 гол зад, нишондиҳандаи бесобиқае, ки тамоми кишварро ба ояндаи равшантар боварманд сохт. Бо ҳузури ӯ руҳияи тими миллӣ, сатҳи рақобат ва таваҷҷуҳи ҷаҳонӣ ба Норвегия комилан дигар шуд.
Худи Ҳоланд хеле хоксор, камгап ва ниҳоят заҳматқарин аст. Ӯ соатҳои хоби қатъӣ дорад, рӯи ғизо ва реҷаи ҷисмониаш назорати ҷиддӣ мебарад, аз шабакаҳои иҷтимоӣ кам истифода мекунад, машқҳои иловагӣ мегузаронад ва ба ҳеҷ чиз қаноат намекунад. Бо қади баланди ба андозаи 194 сантиметр, суръати тез ва зарбаҳои бераҳмонааш ӯ дар дунёи футбол навъи нави ҳамлагарро муаррифӣ кард, ки маҳораташ омехтаи қувва, зеҳн, техника ва интизоми баланди инсонӣ мебошад.
Кунун маҳз бо кӯшишу заҳмати Ҳоланд пас аз 27 сол тими мунтахаби Норвегия ба Ҷоми ҷаҳони футбол роҳ ёфт ва мухлисони варзишгар бар он боваранд, ки дар Ҷоми ҷаҳони футбол ҳам ин азимҷусса инқилоб мекунад ва чандин рекордҳо хоҳад шикаст.
Эрлинг Ҳоланд дар синни хеле ҷавонӣ ба сатҳи афсонаҳои футбол наздик шудааст. Ӯ на танҳо гол мезанад, балки системаи ҳамларо дигар мекунад. Аз кӯчаҳои Брин то қатори беҳтаринҳои ҷаҳон расидан танҳо бо истеъдод имкон надорад. Ин роҳ масири меҳнат, ирода ва шабҳои бехобӣ аст ва муҳимтар аз ҳама, чунин менамояд, ки роҳи асосии ӯ ва беҳтарин сафари футболиаш ҳанӯз дар пеш аст.
Яҳё МАҲМАДНАБИЕВ, “ҶТ”
Эрлинг 21 июли соли 2000 дар шаҳри Лидс, дар хонаводаи варзишгарони ҳирфаӣ ба дунё омад. Падараш Алф-Инге Ҳоланд солҳои зиёд дар Премйер-Лига таҷрибаи бузурги бозӣ дошт, модараш Гри Мари дар варзиши сабук медалҳои зиёд ба даст оварда буд. Ин омезиши нодири генетика, муҳити солими варзишӣ ва муҳаббати самимии хонаводагӣ ба Ҳоланди хурдсол неруе дода буд, ки дер ё зуд бояд дар футболи калон инқилоб мекард. Баъди бозгашт ба Норвегия, маҳз дар кӯчаҳои шамолхези шаҳри Брин, ин ҷавон аввалин бор тӯбро ба по гирифт ва дар ҳамон синни панҷ-шашсолагӣ нишон дод, ки дар ӯ чизе бештар аз як бозингари наврас нуҳуфтааст.
Дар академияи “Брин ФК” ӯ аз дигарон фарқ мекард, қомати баланд, суръати ғайримуқаррарӣ, неруи тавоно ва маҳорати баланди голзаниаш ӯро дар миёни ҳамсолонаш фарқкунандаву барҷастатар нишон медод. Ҳоланд ҳамагӣ 15-сола буд, ки дар дастаи дуюми “Брин” 18 гол дар 14 бозӣ зад. Ин натиҷаи ҳайратовар барои он синну сол рекордӣ буд, ки аксарият ангушти ҳайрат мегазиданд. Аммо вақте ба дас-таи асосӣ гузашт, тули 16 бозӣ гол зада натавонист. Барои бисёриҳо ин шикаст буд, аммо барои Ҳоланд, ин омил омӯхтани сабру таҳаммул. Бозингарон баъдтар нақл мекарданд, ки ӯ ҳар рӯз бештар кор мекард, бештар медавид, бештар мекӯшид. Маҳз ин талошҳо боз ҳам ӯро ба асли хеш баргардонид.
Дар майдонҳои бузурги футбол барои Ҳоланд қадами калидӣ соли 2017 гузошта шуд ва он ҳам замоне, ки Эрлинг ба дас-таи “Молде” пайваст. Ин даста, ки таҳти роҳбарии Оле-Гуннар Солскяер қарор дошт, барои ӯ ба як мактаб табдил ёфт. Солскяер ба Ҳоланд омӯхт, ки чӣ гуна бартариҳои ҷисмонии худро дуруст истифода кунад, чӣ гуна дар ҷаримагоҳ ҳамчун шикорчии воқеӣ амал намояд, чӣ гуна дар фазои танг қарори дуруст гирад ва чӣ гуна зарбаҳои аз ду ҷониб партофтшударо моҳирона вориди дарвозаи ҳариф намояд. Дар мавсими соли 2018 ӯ дар 25 бозӣ 12 гол зад ва дар қатори голзанҳои ҷавонтарини он мавсим мавқеъ пайдо кард.
Аммо таркиши ҳақиқии Эрлинг соли 2019 дар Австрия ба амал омад. Гузариш ба “Ред Булл Залсбург” ӯро ба як мошини голзанӣ табдил дод. Дар Лигаи чемпионҳо ҳамагӣ дар 6 бозӣ 8 гол зад, дар чемпионати Австрия бошад, қариб дар ҳар бозӣ гол мезад. Номи ӯ ногаҳон дар рӯйхати даҳҳо клубҳои аврупоии калон пайдо шуд. Ҳар журналист ва ҳар коршинос медонист, ки дар олами футбол як ситораи нав арзи ҳастӣ кардааст.
Январи соли 2020 ӯ ба “Боруссия Дортмунд” гузашт ва дар он ҷо ҳангоми дебюташ баъди ба майдон омадан ҳамчун бозингари ивазкунанда дар 20 дақиқа ҳет-трик кард. Аз он ба баъд “Дортмунд” барояш як саҳнаи бузург гардид. Дар 88 бозӣ 85 гол, ки ин рақамҳо на танҳо омор, балки нишондиҳандаи онанд, ки Ҳоланд дар ин солҳо ба падидаи ҷаҳонӣ табдил ёфт. Дар Лигаи чемпионҳо рекордҳои синну солӣ шикаста шуданд, дар Аврупо ҳамлагарони кам мисли ӯ тарс меофариданд.
Майи соли 2022 ӯ ба манзиле расид, ки бисёриҳо онро орзу мекунанд: “Манчестер Сити” ва ҳунарнамоӣ зери роҳбарии Пеп Гвардиола ӯро боз ҳам ба мақому номи баланд баровард. Дар “Манчестер Сити” Ҳоланд танҳо голзан нест, балки маркази тамоми системаи ҳамла мебошад, ки бозиро мечархонад. Дар мавсими аввали худ 52 гол зад, рекорди Премйер-Лигаро шикаст ва дар ҳамон сол бо даста Лигаи чемпионҳо, Премйер-Лига ва Ҷоми Англияро ба даст овард. Ҳоланд дар “Сити” на танҳо як варзишгар, балки як қувваи стратегӣ, як модели нави ҳамлагар дар футболи муосир гардид.
Аммо нақши ӯ танҳо ба сатҳи даставӣ маҳдуд намешавад. Дар ҳайати мунтахаби Норвегия, ки солҳои зиёд аз саҳнаи мусобиқаҳои бузург дур монда буд, Ҳоланд ба рамзи умед табдил ёфт. Ӯ дар 15 бозии аввали худ 21 гол зад, нишондиҳандаи бесобиқае, ки тамоми кишварро ба ояндаи равшантар боварманд сохт. Бо ҳузури ӯ руҳияи тими миллӣ, сатҳи рақобат ва таваҷҷуҳи ҷаҳонӣ ба Норвегия комилан дигар шуд.
Худи Ҳоланд хеле хоксор, камгап ва ниҳоят заҳматқарин аст. Ӯ соатҳои хоби қатъӣ дорад, рӯи ғизо ва реҷаи ҷисмониаш назорати ҷиддӣ мебарад, аз шабакаҳои иҷтимоӣ кам истифода мекунад, машқҳои иловагӣ мегузаронад ва ба ҳеҷ чиз қаноат намекунад. Бо қади баланди ба андозаи 194 сантиметр, суръати тез ва зарбаҳои бераҳмонааш ӯ дар дунёи футбол навъи нави ҳамлагарро муаррифӣ кард, ки маҳораташ омехтаи қувва, зеҳн, техника ва интизоми баланди инсонӣ мебошад.
Кунун маҳз бо кӯшишу заҳмати Ҳоланд пас аз 27 сол тими мунтахаби Норвегия ба Ҷоми ҷаҳони футбол роҳ ёфт ва мухлисони варзишгар бар он боваранд, ки дар Ҷоми ҷаҳони футбол ҳам ин азимҷусса инқилоб мекунад ва чандин рекордҳо хоҳад шикаст.
Эрлинг Ҳоланд дар синни хеле ҷавонӣ ба сатҳи афсонаҳои футбол наздик шудааст. Ӯ на танҳо гол мезанад, балки системаи ҳамларо дигар мекунад. Аз кӯчаҳои Брин то қатори беҳтаринҳои ҷаҳон расидан танҳо бо истеъдод имкон надорад. Ин роҳ масири меҳнат, ирода ва шабҳои бехобӣ аст ва муҳимтар аз ҳама, чунин менамояд, ки роҳи асосии ӯ ва беҳтарин сафари футболиаш ҳанӯз дар пеш аст.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед