Устураҳои ҷудои ҷаҳон Шоҳей Оно ва Тедди Риннер шаби 1-уми май баҳри иштирок дар мусобиқаи Гранд Слами Душанбе ба Тоҷикистон ташриф оварданд.

Шоҳей Онои ҷопонӣ, ки анқариб як сол мешавад корномаи хешро хатм намудааст, чун меҳмони фахрӣ дар Гранд Слами Душанбе иштирок мекунад. “Шоҳи ҷудо”-и ҷаҳон Тедди Ринери фаронсавӣ бошад баҳри рақобат озими Душанбе гардидааст.

Тедди Ринери 35 сола дар ҳайати мунтахаби ҷудои Фаронса дар вазни + 100 кг ба қатори 18 ҷудокори дигар барои иштирок дар мусобиқаи мазкур номнавис шудааст.

Бояд гуфт, ки Тедди қаҳрамони секаратаи олимпӣ ва барандаи ду нишони биринҷии олимпӣ ва 11 карата қаҳрамони ҷаҳон, 5 карата қаҳрамони Аврупо ва қаҳрамони бисёркаратаи Фаронса мебошад. Ӯро дар ҷаҳони ҷудо ҳамчун шоҳи ин риштаи варзиш мешиносанд.

Ринер се маротиба ҳамчун варзишгари сол дар Фаронса эътироф шудааст. Аз соли 2009 сар карда, дар давоми қариб 9 сол пайиҳам беш 150 пирӯзӣ ба даст овардааст.

Шоҳей Оно бошад ҷудокори дастони ҷопонӣ, қаҳрамони дукаратаи олимпӣ, қаҳрамони ҳафткаратаи ҷаҳон (се маротиба дар рақобатҳои инфиродӣ ва чор маротиба дар сабқатҳои даставӣ), дорандаи Ҷоми ҷаҳон, ғолиби Бозиҳои осиёӣ, ҷоизадори нишони нуқраи чемпионати Осиё, қаҳрамони чоркаратаи Ҷопон мебошад.

Яҳё МАҲМАДНАБИЕВ, “ҶТ”